ନୟାଗଡ଼,(ବାଘୁଆବାର୍ତ୍ତା): ଇଟାମାଟି ପୁଲିସକୁ ମିଳିଛି ବଡ଼ ସଫଳତା । ସୂଚନାନୁସାରେ, ଇଟାମାଟି ପୁଲିସ ସିନେମା ହଲ ଛକ ଠାରେ ପେଟ୍ରୋଲିଂ କରୁଥିବା ସମୟରେ ଇଟାମାଟି ପାଇକସାହିର ଧର୍ମେନ୍ଦ୍ର ସ୍ୱାଇଁ(ମଣ୍ଟୁ) ବୁଲେଟ ଗାଡ଼ି ନଂ(ଓଏଫଜି ୦୩୦୧)ରେ ବୋଲଗଡ଼ରୁ ନିଜ ଘରକୁ ଫେରୁଥିଲେ । ଇଟାମାଟି ସିନେମା ହଲ ଛକ ଠାରେ ପୁଲିସ ଅଟକାଇଥିଲେ ମଧ୍ୟ ଅମାନିଆ ହେବାରୁ ବାଇକ ଚାଳକ ଉପରେ ପୁଲିସର ସନ୍ଦେହ ବଢିଥିଲା । ଗାଡ଼ି ଓ ଗାଡ଼ି ଚାଳକକୁ ଯାଞ୍ଚ କରିବାରୁ ଯୁବକଙ୍କ ପକେଟରୁ ଏକ ବ୍ରାଉନସୁଗାର ଥିବା ପ୍ୟାକେଟ ପାଇଥିଲା । ତେବେ ପୁଲିସ ହାତରେ ବ୍ରାଉନ ସୁଗାର ପ୍ୟାକେଟ ଲାଗିଲା ବେଳେ ଅଭିଯୁକ୍ତ ଖସି ଯିବାକୁ ଚେଷ୍ଟା କରିଥିଲେ ମଧ୍ୟ ଇଟାମାଟି ପୁଲିସ ହାବୁଡରୁ ଖସିପାରି ନଥିଲା । ପୁଲିସ ୬ଗ୍ରାମ ୩୫୦ମିଲିଗ୍ରାମ ବ୍ରାଉନ ସୁଗାର ଜବତ କରିବା ସହିତ ବୁଲେଟ ଗାଡ଼ିକୁ ମଧ୍ୟ ଜବତ କରିଛି । ଜବତ ହୋଇଥିବା ବ୍ରାଉନ ସୁଗାର ଆନୁମାନିକ ମୂଲ୍ୟ ୪୦ହଜାରରୁ ଉର୍ଦ୍ଧ ଟଙ୍କା ହେବ ବୋଲି ଜଣାପଡିଛି । ଥାନାରେ କେସ୍ ନଂ ୩୩/୨୧ରେ ଏକ ମାମଲା ଋଜୁ କରି କୋର୍ଟ ଚାଲାଣ କରାଯାଇଥିବା ନେଇ ଇଟାମାଟି ଥାନା ଅଧତକାରୀ ଦିପକ୍ କୁମାର ଖଣ୍ଡାୟତରାୟ ସୂଚନା ଦେଇଛନ୍ତି ।
