ରୋଚ ପ୍ରସ୍ତୁତ ଆଣ୍ଟିବଡି ମିକ୍ସଡ ଡ୍ରିଙ୍କ ଭାରତ ବଜାରକୁ ଆସିଲା, ଜଣେ ରୋଗୀଙ୍କ ପାଇଁ ଦାମ ୫୯ ହଜାର ୭୫୦ ଟଙ୍କା

ନୂଆଦିନଲ୍ଲୀ : (ବାଘୁଆବାର୍ତ୍ତା): ଔଷଧ କମ୍ପାନୀ ରୋଚ ଇଣ୍ଡିଆ ଓ ସିପ୍ଲା ମିଳିତ ଭାବେ ଭାରତରେ ଆଣ୍ଟିବଡି କକଟେଲ ଲଞ୍ଚ କରିଛନ୍ତି । ସୋମବାର ଏହି କକଟେଲ ଲଞ୍ଚ ହୋଇଛି । ଏହା କରୋନା ବିରୋଧରେ ଫଳପ୍ରଦ ହେବ ବୋଲି କମ୍ପାନୀ କହିଛି । ଏହାର ଗୋଟିଏ ଡୋଜର ଦାମ ୫୯୭୫୦ ଟଙ୍କା । ସିପ୍ଲା ଓ ରୋଡ ଇଣ୍ଡିଆ ମିଳିତ ବୟାନରେ କହିଛନ୍ତି ଯେ, ଆଣ୍ଟିବଡି କକଟେଲ ଏବେ ଭାରତରେ ଉପଲବ୍ଧ । ଏହାର ଦ୍ୱିତୀୟ ପର୍ଯ୍ୟାୟ ଡୋଜ ଜୁନ ମଧ୍ୟ ଭାଗ ଆଡକୁ ଭାରତରେ ଉପଲବ୍ଧ ହେବ । ମୋଟ ୨ ଲକ୍ଷ ଆକ୍ରାନ୍ତଙ୍କ ଚିକିତ୍ସା ଏହା ଦ୍ୱାରା ହୋଇପାରିବ । ୧ ଲକ୍ଷ ଟଙ୍କାର ଗୋଟିଏ ପ୍ୟାକେଟରେ ୨ ଜଣ ଆକ୍ରାନ୍ତଙ୍କୁ ଚିକିତ୍ସା କରାଯାଇ ପାରିବ । ରୋଚ୍ ତରଫରୁ ବିକଶିତ ଏହି କକଟେଲରେ କୋସିରିବିମେବ ଇ ଇମଡେଭିମ୍ୟାବ ରହିଛି । ଯାହାକୁ ଭାରତ ଜରୁରୀକାଳିନ ବ୍ୟବହାର ପାଇଁ ଅନୁମତି ପ୍ରଦାନ କରିଛି । ସ୍ୱାସ୍ଥ୍ୟ ମନ୍ତ୍ରଳାୟ ଅନୁସାରେ, ସେଣ୍ଟ୍ରାଲ ଡ୍ରଗ କଣ୍ଟ୍ରୋଲ ଅର୍ଗାନାଇଜେସନ କରୋନା ମହାମାରୀକୁ ଦେଖି ଆଣ୍ଟିବଡି ଡ୍ରଗର ସମସ୍ତ ତଥ୍ୟକୁ ନୀରିକ୍ଷଣ କରିଥିଲା । ଏହାପରେ ଜରୁରୀକାଳିନ ବ୍ୟବହାର ପାଇଁ ମଞ୍ଜୁରୀ ପ୍ରଦାନ କରାଯାଇଥିଲା । ପ୍ରତ୍ୟେକ ଆକ୍ରାନ୍ତଙ୍କ ପାଇଁ ୧୨୦୦ ଏମଜିର ଏହି କକଟେଲ ୫୯୭୫୦ ଟଙ୍କା ପଡିବ । ଏହାର ମଲଟିଡୋଜ ପ୍ୟାକ ହେଉଛି ୧୧୯୫୦୦ ଟଙ୍କା । ଏହା ସମସ୍ତ ବଡ ହସ୍ପିଟାଲ ଓ କୋଭିଡ ଟ୍ରିଟମେଣ୍ଟ ସେଣ୍ଟରରେ ଉପଲବ୍ଧ ହେବ ।