ଭୁବନେଶ୍ୱର,(ବାଘୁଆବାର୍ତ୍ତା): ବନ ବିଭାଗକୁ ଅସ୍ତବ୍ୟସ୍ତ କରି ଦେଇଥିବା ଯୁବକକୁ ଆଜି ଗିରଫ୍ କରାଯାଇଛି । ଉକ୍ତ ଯୁବକ ଜଣକ ଶିମିଳିପାଳ ଜଙ୍ଗଲର ବିଭିନ୍ନ ସ୍ଥାନରେ ନିଆଁ ଲଗାଉଥିଲା । ଯେଉଁଥି ପାଇଁ ବନ ବିଭାଗ ଠାରୁ ଆରମ୍ଭ କରି ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ପର୍ଯ୍ୟନ୍ତ ସମସ୍ତେ ଅସ୍ତବ୍ୟସ୍ତ ହୋଇଥିଲେ । ବନ ବିଭାଗର ଅକ୍ଳାନ୍ତ ପରିଶ୍ରମ ଓ ରାଜ୍ୟ ସରକାର ଓଡ୍ରାଫ ଟିମ ନିୟୋଜନ କରିବା ପରେ ଶିମିଳିପାଳରୁ ନିଆଁ ଲିଭିଥିଲା । ଏହାକୁ ନେଇ ବନବିଭାଗ ତଦନ୍ତ ଆରମ୍ଭ କରିଥିଲା । ଯାହାଫଳରେ ଆଜି ଶିମିଳିପାଳରେ ନିଆଁ ଲଗାଇଥିବା ଯୁବକକୁ ଗିରଫ୍ କରିଛି ବନ ବିଭାଗ । ଉକ୍ତ ଅଭିଯୁକ୍ତ ଜଣକ ମୟୂରଭଞ୍ଜ ଶିମିଳିପାଣ ନିକଟସ୍ଥ ବଡ଼ଝାଡ଼ ଗାଁର ମାନସ ସିଂଙ୍କୁ ଗିରଫ କରାଯାଇଥିବା ସୂଚନା ମିଳିଛି । ସେପଟେ ଶିମିଳିପାଳ ନିଆଁକୁ ନେଇ କେନ୍ଦ୍ରୀୟ ଦଳ କ୍ଷେତ୍ର ପରିଦର୍ଶନ କରି ରାଜ୍ୟ ସରକାରଙ୍କ ସହିତ ଆଲୋଚନା କରି ନିଆଁ ଲିଭାଇବା ସଂପର୍କରେ ପରାମର୍ଶ ଦେଇଛନ୍ତି ବୋଲି ଟାସ୍କଫୋର୍ସ ମୁଖ୍ୟଙ୍କ ପକ୍ଷରୁ ପ୍ରେସ ରିଲିଜରେ ମାଧ୍ୟମରେ ଜଣାଇଛନ୍ତି ।
