ମୁମ୍ବାଇ, (ବାଘୁଆବାର୍ତ୍ତା): ପର୍ଣ୍ଣୋଗ୍ରାଫି ମାମଲାରେ ଗିରଫ ହୋଇଥିବା ରାଜ କୁନ୍ଦ୍ରାଙ୍କ ମୁସ୍କିଲ କମିବାରେ ନାଁ ନେଉନି। ତାଙ୍କର ହ୍ବାଟସ୍ ଆପ୍ ଚାଟ୍, ଫୋନ୍ କଲ୍, ପ୍ରତ୍ୟକ୍ଷଦର୍ଶୀଙ୍କ ବୟାନ ସବୁ ରାଜ କୁନ୍ଦାଙ୍କ ଏହି ରାଜ ଖୋଲୁଛି। ସେହିଭଳି ରାଜଙ୍କ ସ୍ତ୍ରୀ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କୁ ଜୁଲାଇ ୨୩ରେ ପଚରାଉଚରା କରାଯାଇଥିଲା। କ୍ରାଇମ ବ୍ରାଞ୍ଚ ଶିଳ୍ପାଙ୍କ ଘରକୁ ଯାଇ ରାଜଙ୍କ ପର୍ଣ୍ଣୋଗ୍ରାଫି କଣ୍ଟେଣ୍ଟ ତିଆରି କରିବା ଏବଂ ଏହାକୁ ଆପରେ ଅପଲୋଡ୍ କରିବା ସମ୍ବନ୍ଧୀୟ ପ୍ରଶ୍ନ ପଚାରିଥିଲେ। କିନ୍ତୁ ସେହି ଦିନ ଯେତେବେଳେ କ୍ରାଇମ ବ୍ରାଞ୍ଚ ରାଜଙ୍କୁ ସାଙ୍ଗରେ ନେଇ ଶିଳ୍ପାଙ୍କ ନିକଟରେ ପହଞ୍ଚିଥିଲା, ସେହି ସମୟରେ ତାଙ୍କ ରିଆକ୍ସନ କେମିତି ଥିଲାଟ୍ଟ.? ଶୁକ୍ରବାର ଜୁଳାଇ ୨୩ରେ ଯେତେବେଳେ କ୍ରାଇମ ବ୍ରାଞ୍ଚ ଜୁହୁ ସ୍ଥିତ ଶିଳ୍ପାଙ୍କ ଘରେ ପହଞ୍ଚିଲା, ଶିଳ୍ପା ରାଜଙ୍କୁ ଦେଖି ପ୍ରଥମେ ରାଗି ଯାଇଥିଲେ। ରାଗରେ ଜୋର ଜୋରରେ ରାଜଙ୍କୁ କହିଲେ, ଏହି କେସ୍ ପରିବାରର ବଦନାମ କରିଦେଲା। ଅନେକ ଏଣ୍ଡୋର୍ସମେଣ୍ଟ, ବ୍ୟବସାୟିକ କାରବାର ହାତରୁ ଚାଲିଯାଇଛି। ଶିଳ୍ପାଙ୍କୁ ୬ଘଣ୍ଟା ପର୍ୟ୍ୟନ୍ତ ପଚରାଉଚରା କରାଯାଇଥିଲା ଏବଂ ତାଙ୍କ ବୟାନ ରେକର୍ଡ କରାଯାଇଥିଲା। ବ୍ରାଇମବ୍ରାଞ୍ଚର ସିନିୟର ଅଫିସର କହିଛନ୍ତି କି, ‘ଏହି ମାମଲାରେ ଶିଳ୍ପାଙ୍କ କୌଣସି ଭୂମିକା ନାହିଁ‘। ଏବେ ସୁଦ୍ଧା ଏହି ମାମଲାରେ ତାଙ୍କର କୌଣସି ପ୍ରମାଣ ମିଳିନାହିଁ। ଏଥିପାଇଁ ଆମେ ଦ୍ବିତୀୟ ଥର ପାଇଁ ତାଙ୍କୁ କୌଣସି ପ୍ରଶ୍ନ ପଚାରିବୁ ନାହିଁ।
ରାଜଙ୍କୁ ଦେଖିବା ପରେ ଚିହିଁକି ଉଠିଲେ ସ୍ତ୍ରୀ ଶିଳ୍ପା, କହିଲେ-‘ପରିବାରକୁ ବଦନାମ କରିଦେଲେ’
