ଶିଖରପୁର ଗ୍ରାମରୁ ଚୋରୀ ନେଇ ଥାନାରେ ଅଭିଯୋଗ

ନୟାଗଡ଼, (ବାଘୁଆବାର୍ତ୍ତା) : ଖଣ୍ଡପଡା ଥାନା ଅଧିନ ଶିଖରପୁର ଗ୍ରାମ ନୂଆସାହିର ବାସିନ୍ଦା ମହନ୍ତ ଚରଣ ସ୍ୱାଇଁଙ୍କ ଘରୁ ଲୁଟେରାମାନେ ସୁନା, ରୁପା ଗହଣା ସହ ନଗଦ ୬ହଜାରରୁ ଉର୍ଦ୍ଧ ଟଙ୍କା ଚୋରୀ କରି ନେଇଥିବା ନେଇ ଶ୍ରୀ ସ୍ୱାଇଁ ଖଣ୍ଡପଡା ଥାନାରେ ଲିଖିତ ଅଭିଯୋଗ କରିଥିବା ଜଣାଯାଇଛି । ଖଣ୍ଡପଡା ଥାନାରେ ହୋଇଥିବା ଅଭିଯୋଗ କ୍ରମେ ଗତ ୪ ତାରିଖ ରାତି ୧ଟାରେ ଘରର କବାଟ ଭାଙ୍ଗି ସ୍ଥାନୀୟ ଅଂଚଳର ଲୁଟେରାମାନେ ଘରେ ପ୍ରବେଶ କରିବା ପରେ ଗଡରେଜ ଆଲମିରା ଭାଙ୍ଗି ଦେଢ ଭରି ସୁନା, ଅଢେଇ ଭରି ଓଜନର ରୁପା ସମେତ ନଗଦ ୬,୩୦୦ଟଙ୍କା ଚୋରୀ କରି ନେଇଥିଲେ । ଗୃହକର୍ତା ଶୋଇଥିବା ଘର ବାହାର ପଟୁ ତାଲା ପକାଇ ଦେଇ ଲୁଟେରାମାନେ ଘଟଣା ସ୍ଥଳରୁ ଫେରାର ହୋଇ ଯାଇଥିଲେ । ଏନେଇ ଥାନାରେ ଅଭିଯୋଗ ହେବା ପରେ ପୋଲିସ ଉକ୍ତଚୋରୀ ଘଟଣାରେ ସଂପୃକ୍ତ ଥିବା ଅଭିଯୋଗରେ ସ୍ଥାନୀୟ ଅଂଚଳର ଭଗବାନ ଦ୍ୱାରୀଙ୍କୁ ଖଣ୍ଡପଡା ଥାନାକୁ ଡାକି ପଚରା ଉଚରା କରୁଥିବା ଜଣାଯାଇଛି । ଚୋରୀ ଘଟଣାରେ ସଂପୃକ୍ତ ଥିବା ସମସ୍ତ ଲୁଟେରାମାନଙ୍କୁ ତୁରନ୍ତ ଗିରଫ କରିବାକୁ ଶିଖରପୁର ଗ୍ରାମବାସୀ ଦାବି କରିଛନ୍ତି । ଏଥି ପ୍ରତି ନୟାଗଡ ଆରକ୍ଷୀ ଅଧିକ୍ଷକ ଦୃଷ୍ଟି ଦେବାକୁ ଦାବି ହେଉଛି । ପ୍ରକାଶ ଥାଉକି ଲୁଟେରା ଭଗବାନ ଏକାଧିକ ମାମଲାରେ ଜଡିତ ଥିବା ନେଇ ଶିଖରପୁର ଗ୍ରାମବାସୀ ପøାଲିସକୁ ସୂଚନା ଦେଇଥିବା ଜଣା ଯାଇଛି ।