ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ ସଂକ୍ରମଣ ବଢ଼ି ଚାଲିଥିବା ବେଳେ ଆଜି ପ୍ରଥମ କରି ଗୋଟିଏ ଗାଁକୁ କଣ୍ଟେନମେଣ୍ଟ ଘୋଷଣା କରାଯାଇଛି । କୁମ୍ଭମେଳାରୁ ଫେରି କିଛିବ୍ୟକ୍ତି କରୋନା ଆକ୍ରାନ୍ତ ଚିହ୍ନଟ ହୋଇଥିବା କାରଣରୁ ଗଦାଧରପ୍ରସାଦ ପଞ୍ଚାୟତ ବାଲିକୁଦିଆ ଗ୍ରାମକୁ କଣ୍ଟେନମେଣ୍ଟ ଘୋଷଣା କରାଯାଇଛି । ନୟାଗଡ଼ ତହସିଲଦାର ଭିକାରୀ ସାହୁ ଉକ୍ତ ଗ୍ରାମକୁ ଆଜି ସକାଳ ୧୦ ଘଟିକାଠାରୁ ଅନିଦ୍ଦିଷ୍ଟ କାଳ ପର୍ଯ୍ୟନ୍ତ କଣ୍ଟେମେଣ୍ଟ ଘୋଷଣା କରାଯାଇଛନ୍ତି । ଉକ୍ତ ଗ୍ରାମରେ କରୋନା ସଂକ୍ରମଣ ବଢ଼ିବାର ଆଶଙ୍କା ରହିଥିବାରୁ ଆସନ୍ତାକାଲି ଗ୍ରାମର ସମସ୍ତ ନାଗରିକଙ୍କ କୋଭିଡ ପରୀକ୍ଷା କରାଯିବ ବୋଲି ସୂଚନା ମିଳିଛି ।
