ନୟାଗଡ଼,(ବାଘୁଆବାର୍ତ୍ତା): ଦୀର୍ଘ ଦିନ ହେଲା ଚାଲୁଥିବା ସେକ୍ସ ରାକେଟ ଆଜି ପୁଲିସ୍ ଠାବ କରିଛି । ଏଥିରେ ସଂପୃକ୍ତ ଥିବା ୨ଯୁବତୀଙ୍କୁ ଉଦ୍ଧାର କରାଯାଇଥିବା ବେଳେ ୨ଜଣ ଗ୍ରାହାକ ଓ ଜଣେ ମହିଳାକୁ ପୁଲିସ ଗିରଫ୍ କରିଛି । ସେକ୍ସ ରାକେଟ୍ ଭୁବନେଶ୍ୱର ଅଞ୍ଚଳର ଥିବା ଏକ ଆପାର୍ଟମେଣ୍ଟରେ ଚାଲିଥିଲା । ସୂଚନାନୁସାରେ, ଲକ୍ଷ୍ମୀସାଗର ଥାନା ଅନ୍ତର୍ଗତ ବଡ଼ଗଡ଼ କେନାଲ ରୋଡରେ ଥିବା ସାଇ ଶ୍ରୀ ଏନେକ୍ଲଭରେ କିଛିଦିନ ଧରି ସେକ୍ସ ରାକେଟ ଚାଲିଥିବା ପୁଲିସ ଜାଣିବାକୁ ପାଇଥିଲା । ଖବର ପାଇ ଉକ୍ତ ଆପାଟମେଣ୍ଟ ଉପରେ ଲକ୍ଷ୍ମୀସାଗର ପୁଲିସ କଡ଼ା ନଜର ରଖିଥିଲା । ତେବେ ୨ଜଣ ଅଜଣା ଯୁବକ ଓ ଯୁବତୀ ସେହି ଫ୍ଲାଟରେ ଥିବାର ଖବର ପାଇ ପୁଲିସ ରେଡ୍ କରିଥିଲା । ରେଡ୍ ସମୟରେ ୨ଯୁବତୀକୁ ପୁଲିସ ଉଦ୍ଧାର କରିଥିବା ବେଳେ ଅନୈତିକ କାମରେ ଲିପ୍ତ ଥିବା ଯୁବକ ୨ଜଣଙ୍କୁ ଗିରଫ୍ କରିଛି । ସେମାନଙ୍କ ଘର ଗଞ୍ଜାମ ଜିଲ୍ଲାର ହୋଇଥିବା ବେଳେ ଉଦ୍ଧାର ହୋଇଥିବା ଯୁବତୀଙ୍କ ମଧ୍ୟରୁ ଜଣେ ପୁରୀ ଜିଲ୍ଲା ଓ ଆଉ ଜଣେ କେନ୍ଦ୍ରାପଡ଼ା ଜିଲ୍ଲାର ହୋଇଥିବା ସୂଚନା ମିଳିଛି । ସେହିଭଳି ଉକ୍ତ ସେକ୍ସ ରାକେଟକୁ ଚଳାଉଥିବା ଜଣେ ମହିଳାକୁ ଲକ୍ଷ୍ମୀସାଗର ତାନା ପୁଲିସ୍ ଗିରଫ କରିଥିବା ନେଇ ପୁଲିସ ପକ୍ଷରୁ ସୂଚନା ମିଳିଛି ।
