ନୟାଗଡ଼ ପୌର ପରିଷଦ ଅଞ୍ଚଳରେ ଚାଲିଛି ଗୃହ ଗଣନା

ନୟାଗଡ଼, (ବାଘୁଆବାର୍ତ୍ତା): ଭାରତ ସରକାରଙ୍କ ଜନ ଗଣନା କାର୍ଯ୍ୟକ୍ରମ ଅନ୍ତର୍ଗତ ପ୍ରଥମ ପର୍ଯ୍ୟାୟରେ ଗୃହ ଗଣନା କାର୍ଯ୍ୟକ୍ରମ ଆରମ୍ଭ ହୋଇଛି। ଚଳିତ ମାସ ୧୬ ତାରିଖରୁ ଆରମ୍ଭ ହୋଇଥିବା ଗୃହ ଗଣନା କାର୍ଯ୍ୟ ଆସନ୍ତା ମାସ ୧୫ ତାରିଖ ପର୍ଯ୍ୟନ୍ତ ଚାଲିବ। ନୟାଗଡ଼ ପୌର ପରିଷଦ ଅଞ୍ଚଳ ଅନ୍ତର୍ଗତ ୧୬ଟି ୱାର୍ଡ଼ରେ ଗୃହ ଗଣନା କାର୍ଯ୍ୟ ଚାଲିଛି। ଗୃହ ଗଣନା କାର୍ଯ୍ୟ ପାଇଁ ୧୬ ଟି ୱାର୍ଡ଼ କୁ ୫୮ଟି ଗୃହ ତାଲିକା ବ୍ଲକରେ ବିଭକ୍ତ କରାଯାଇ ୫୮ ଜଣ ଶିକ୍ଷକ ଶିକ୍ଷୟିତ୍ରୀଙ୍କୁ ଗଣନାକାରୀ ଭାବେ ନିୟୋଜିତ କରାଯାଇଛି । ଏହା ସହିତ ୧୮ଜଣ ଗଣନାକାରୀଙ୍କୁ ରିଜର୍ଭ ଭାବେ ରଖାଯାଇଛି।ଗଣନାକାରୀ ମାନଙ୍କ କାର୍ଯ୍ୟକୁ ତଦାରଖ କରିବା ପାଇଁ ୧୧ଜଣ ଶିକ୍ଷକ ଶିକ୍ଷୟିତ୍ରୀ ସୁପରଭାଇଜର ଭାବେ କାର୍ଯ୍ୟ କରୁଛନ୍ତି। ଏଥର ଜନଗଣନାର ସବୁଠାରୁ ବଡ଼ ବିଶେଷତ୍ୱ ହେଉଛି ଏହା ସମ୍ପୂର୍ଣ୍ଣ ଭାବେ ଡିଜିଟାଲ୍ ପଦ୍ଧତି | ପ୍ରଥମ ଥର ପାଇଁ କାଗଜ କଲମ ପରିବର୍ତ୍ତେ ମୋବାଇଲ୍ ଆପ୍ ମାଧ୍ୟମରେ ତଥ୍ୟ ସଂଗ୍ରହ କରାଯାଉଛି, ଯାହାଦ୍ୱାରା ତଥ୍ୟ ଶୀଘ୍ର ଏବଂ ସଠିକ୍ ଭାବେ ଉପଲବ୍ଧ ହୋଇପାରିବ। ପ୍ରଶ୍ନବଳୀ ଓ ତଥ୍ୟ ସଂଗ୍ରହ ଗଣନାକାରୀ ମାନେ ଘରକୁ ଘର ବୁଲି ପରିବାରର ସଦସ୍ୟଙ୍କ ସଂଖ୍ୟା, ଶିକ୍ଷା, ବୃତ୍ତି, ବାସଗୃହର ସୁବିଧା ଯଥା- ପାନୀୟ ଜଳ, ବିଦ୍ୟୁତ, ଶୌଚାଳୟ ଏବଂ ବ୍ୟବହାର କରୁଥିବା ଗାଡ଼ି ବା ଅନ୍ୟାନ୍ୟ ସାମଗ୍ରୀ ବିଷୟରେ ସୂଚନା ନେଉଛନ୍ତି। ଜନଗଣନାର ପ୍ରଥମ ପର୍ଯ୍ୟାୟ ଗୃହଗଣନା କାର୍ଯ୍ୟ ଆସନ୍ତା ମାସ ୧୫ ତାରିଖରେ ଶେଷ ହେବାକୁ ଥିବା ବେଳେ ୨୦୨୭ ମସିହା ଫେବୃଆରୀ