ଚୋରି ବଳଦ ସହ ଗାଡ଼ି ଜବତ

ରାଇରଙ୍ଗପୁର, (ବାଘୁଆବାର୍ତ୍ତା): ମୟୂରଭଞ୍ଜ ଜିଲ୍ଲାର ଝାଡଖଣ୍ଡ ରାଜ୍ୟ ସୀମାନ୍ତ ଗୋରୁମହିସାନି ଥାନା ଶୁଣ୍ଢଳ ଗ୍ରାମ ମଝିରେ ଚୋରି ବଳଦ ସହ ଏକ ଗାଡିକୁ ଗ୍ରାମବାସୀ ଅଟକ ରଖି ପୋଲିସକୁ ହସ୍ତାନ୍ତର କରିଛନ୍ତି । ଘଟଣା ସ୍ଥଳରୁ ଡ୍ରାଇଭର ଓ ସହଯୋଗୀ ଖସି ପଳାଇବାକୁ ସମର୍ଥ ହୋଇଥିବା ବେଳେ, ଉକ୍ତ ଗାଡିରେ ଅମାନୁଷିକ ଭାବେ ୨ଟି ବଳଦକୁ ବନ୍ଧା ହୋଇ ଥିବା ଅବସ୍ଥାରେ ଗ୍ରାମବାସୀ ଉଦ୍ଧାର କରିଛନ୍ତି । ମାତ୍ର ଦୁଇ କିଲୋମିଟର ବାଟ ହୋଇ ଥିଲେ ମଧ୍ୟ ପୋଲିସ ଆସିବାରେ ବିଳମ୍ବ ଯୋଗୁଁ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଗାଡିଟି ପୋଲିସ ଜବତ କରିଥିବା ବେଳେ ଅଞ୍ଚଳରେ ପୋଲିସ ପାଟ୍ରୋଲିଂ ପାଇଁ ଜନସାଧାରଣ ଦାବି କରୁଛନ୍ତି। ସୂଚନା ମୁତାବକ, ଗୋରୁମହିସାନି ଥାନା ଶୁଣ୍ଢଳ ଗ୍ରାମ ମଝିରେ ଚୋରି ବଳଦ ସହ ଏକ ଗାଡିକୁ ଗ୍ରାମବାସୀ ଅଟକ ରଖିଥିଲେ। ଗାଡ଼ିରେ ଅମାନୁଷିକ ଭାବେ ୨ଟି ବଳଦକୁ ବନ୍ଧା ହୋଇଥିଲା । ଉଭୟ ବଳଦଙ୍କୁ ଗ୍ରାମବାସୀ ଉଦ୍ଧାର କରିଥିଲେ । ହେଲେ ଏହାରି ଭିତରେ ଘଟଣା ସ୍ଥଳରୁ ଡ୍ରାଇଭର ଓ ତାର ସହଯୋଗୀ ଖସି ପଳାଇଥିଲେ । ଏନେଇ ଖବର ପାଇବା ପରେ ପୋଲିସ ଆସିବାରେ ବିଳମ୍ବ ହୋଇଥିଲା । ଯାହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଗାଡିଟି ପୋଲିସ ଜବତ କରିଥିବା ବେଳେ ସ୍ଥାନୀୟ ଅଞ୍ଚଳରେ ପୋଲିସ ପାଟ୍ରୋଲିଂ ପାଇଁ ଜନସାଧାରଣ ଦାବି କରୁଛନ୍ତି।