ମହାବିଦ୍ୟାଳୟର ଉନ୍ନୟନ କାର୍ଯ୍ୟର ସମୀକ୍ଷା କଲେ ବିଧାୟକ

ପୋଲସରା, (ବାଘୁଆବାର୍ତ୍ତା): ଦୁଇ ଦୁଇଟି ମହାବିଦ୍ୟାଳୟରେ ଚାଲିଥିବା ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିଛନ୍ତି ବିଧାୟକ ତଥା ଜିଲ୍ଲା ଯୋଜନା ବୋର୍ଡର ଅଧ୍ୟକ୍ଷ । ସୂଚନାନୁସାରେ, ପୋଲସରା ବିଧାୟକ ଶ୍ରୀକାନ୍ତ ସାହୁ ବୁଗୁଡା ବ୍ଲକ୍ ଅନ୍ତର୍ଗତ ବାଲିପଦର ଆଞ୍ଚଳିକ ବିଜ୍ଞାନ ମହାବଦ୍ୟାଳୟ ଓ ବୁଗୁଡା ପିପୁଲସ୍ ମହାବିଦ୍ୟାଳୟରେ ଚାଲିଥିବା ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିବା ସହ ମହାବିଦ୍ୟାଳୟ ପରିସରରେ ବୃକ୍ଷ ରୋପଣ କରିଥିବା ଜଣାପଡିଛି । ବିଧାୟକ ଶ୍ରୀ ସାହୁଙ୍କ ସହିତ ଭଞ୍ଜନଗର ଉପ ଜିଲ୍ଲାପାଳ, ବୁଗୁଡା ତହସିଲଦାର, ମହାବିଦ୍ୟାଳୟର ଅଧ୍ୟାପକ/ଅଧ୍ୟାପିକା ଓ ଛାତ୍ରଛାତ୍ରୀ ମାନେ କୋଭିଡ୍ ନିୟମ ପାଳନ କରି ଉପସ୍ଥିତ ଥିଲେ ।