ଏସସିବି ନର୍ସିଂ କଲେଜ ବନ୍ଦ: ଅଧ୍ୟକ୍ଷାଙ୍କ ବଦଳି ଦାବିରେ ଛାତ୍ରଛାତ୍ରୀଙ୍କ ଧାରଣା

କଟକ,(ବାଘୁଆବାର୍ତ୍ତା): କଟକରେ ଦିନକୁ ଦିନ କୋଭିଡ୍ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଯାହା ରାଜ୍ୟବାସୀଙ୍କଚିନ୍ତାଜନକ ପରିସ୍ଥିତି ସୃଷ୍ଟି ହୋଇଛି । ତେଣୁ ଏହାକୁ ଦୃଷ୍ଟିରେ ରାଜ୍ୟ ସରକାର ଆଜି କଟକ ଏସସିବି ମେଡିକାଲ ନର୍ସିଂ କଲେଜକୁ ବନ୍ଦ କରିବା ପାଇଁ ନିଷ୍ପତ୍ତି ନେଇଥିବା ଜଣାପଡିଛି । କରୋନା ସଂକ୍ରମଣ ବୃଦ୍ଧି କାରଣରୁ ଏସିଏସଙ୍କ ନିର୍ଦ୍ଦେଶରେ ନର୍ସିଂ କଲେଜ ବନ୍ଦ କରିବାକୁ ନିର୍ଦ୍ଧେଶ ଦିଆଯାଇଥିବା ସୂଚନା ମିଳିଛି । ତେବେ ଏସସିବି ନର୍ସିଂ କଲେଜ ବନ୍ଦ ନିର୍ଦ୍ଦେଶକୁ ଛାତ୍ରଛାତ୍ରୀମାନେ ସହଜରେ ଗ୍ରହଣ କରିପାରୁନାହାନ୍ତି । ଯାହାଫଳରେ କଲେଜ ସମ୍ମୁଖରେ ଧାରଣା ଦେଇଥିବା ଜଣାପଡିଛି । ଛାତ୍ରଛାତ୍ରୀଙ୍କ କହିବା କଥା, ଏସସିବି ନର୍ସି କଲେଜରେ ବର୍ତ୍ତମାନ ପର୍ଯ୍ୟନ୍ତ କୌଣସି କରୋନା ଆକ୍ରନ୍ତ ହୋଇନଥିବା ବେଳେ ସଂକ୍ରମଣର ବାହାନା ଦେଖାଇ ଏବଂ ନର୍ସିଂ କଲେଜର ଅଧ୍ୟକ୍ଷାଙ୍କ ମନୋମାନିକୁ ଘଣ୍ଟ ଘୋଡାଇବାକୁ ଯାଇ ଏଭଳି ନିଷ୍ପତ୍ତି ନେଇଛନ୍ତି । ନର୍ସିଂ କଲେଜର ଅଧ୍ୟକ୍ଷା ବିଜୟୀ ଲକ୍ଷ୍ମୀ ଦାଶ ନର୍ସିଂ ଛାତ୍ରଛାତ୍ରୀମାନଙ୍କୁ ପୂର୍ବରୁ ମେଣ୍ଟାଲି ହାରାସ୍ ମେଣ୍ଟ କରୁଥିଲେ । ଯାହାକୁ ନେଇ କଲେଜର ଛାତ୍ରଛାତ୍ରୀମାନେ ମାର୍ଚ୍ଚ ୨୨ତାରିଖରେ ଆନ୍ଦୋଳନକୁ ଓହ୍ଲାଇଥିଲେ । କଟକ ଅତିରିକ୍ତ ଜିଲ୍ଲାପାଳ ଘଟଣାସ୍ଥଳରେ ପହଞ୍ôଚ କଲେଜ ଅଧ୍ୟକ୍ଷାଙ୍କ ୭ଦିନ ଭିତରେ ଅନ୍ୟତ୍ର ବଦଳି କରିବାର ପ୍ରତିଶୃତି ପରେ ଛାତ୍ରଛାତ୍ରୀ ମାନେ ଆନ୍ଦୋଳନରୁ ଓହରିଥିଲେ । ବର୍ତ୍ତାମନ ୭ଦିନ ବିତିଯାଇଥିଲେ ମଧ୍ୟ କୌଣସି ପଦକ୍ଷେପ ନନେବାରୁ ଛାତ୍ରଛାତ୍ରୀମାନେ ଆନ୍ଦୋଳନ କରିବାକୁ ସଜବାଜ ହେଉଥିବା ବେଳେ ଏହାକୁ ଭଣ୍ଡୁର କରିବା ପାଇଁ କଲେଜ ଅଧ୍ୟକ୍ଷା କୋଭିଡ୍-୧୯ ଆଳ ଦେଖାଇ ଆମ ପାଠ ପଢା ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି । ତେଣୁ ତୁରନ୍ତ କଲେଜ ଅଧ୍ୟକ୍ଷାଙ୍କ ବଦଳି କରିବା ସହିତ ନର୍ସିଂ କଲେଜ ଖୋଲିବା ପାଇଁ ନିର୍ଦ୍ଦେଶ ଜାରି କରାଯାଉ ବୋଲି ଏସସିବି ନର୍ସିଂ ଛାତ୍ରଛାତ୍ରୀ କଲେଜ ସମ୍ମୁଖରେ କୋଭିଡ୍-୧୯ କଟକଣା ପାଳନ କରି ଧାରଣାରେ ବସିଥିବା ଜଣାପଡିଛି ।