ପର୍ୟ୍ୟଟକଙ୍କ ନୌକା ବିହାର ୫ ଦିନ ବନ୍ଦ
ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ମହାନଦୀ ବନ୍ୟପ୍ରାଣୀ ବନଖଣ୍ଡ ସାତକୋଶିଆ ଗଣ୍ଡ ଅଞ୍ଚଳରେ ବୁଧବାରଠାରୁ କୁମ୍ଭୀର ଓ ପକ୍ଷୀ ଗଣନା କରାଯିବ । ଚଳିତ ଜାନୁଆରୀ ମାସ ୫ ତାରିଖରୁ ୭ ତାରିଖ ଯାଏଁ ସାତକୋଶିଆ ଗଣ୍ଡ ଅଞ୍ଚଳ ସହ ବିଭିନ୍ନ ଜଳଶୟ ଗୁଡିକରେ ୩ ଦିନ ଧରି ଏହି ଗଣନା କାର୍ୟ୍ୟ କରାଯିବ । ଏଥିପାଇଁ ସାତକୋଶିଆ ଗଣ୍ଡରେ ପର୍ୟ୍ୟଟକମାନଙ୍କ ପାଇଁ ନୌକା ବିହାରକୁ ୫ ଦିନ ପାଇଁ ବାରଣ କରାଯିବା ପାଇଁ ବନ୍ୟପ୍ରାଣୀ ବିଭାଗ ପକ୍ଷରୁ ସୂଚନା ମିଳିଛି । ବନ୍ୟପ୍ରାଣୀ ବିଭାଗର କର୍ମଚାରୀମାନଙ୍କୁ ନେଇ ୯ ଟି ୟୁନିଟ ଭାଗ କରାଯାଇ କୁମ୍ଭୀର ଓ ପକ୍ଷୀ ଗଣନା କରାଯିବ । ନୟାଗଡ଼ ଜିଲ୍ଲାର ଛାମୁଣ୍ଡିଆ।ରୁ ଅନୁଗୁଳ ଜିଲ୍ଲା ଅଇଡ଼ା ପର୍ୟ୍ୟନ୍ତ ମହାନଦୀର ଉଭୟ ପାଶ୍ୱର୍ରେ ବନ୍ୟପ୍ରାଣୀ ବିଭାଗ କର୍ମଚାରୀମାନେ ଡଙ୍ଗା ସାହାର୍ୟ୍ୟରେ କୁମ୍ଭୀର ଓ ପକ୍ଷୀ ଗଣନା କରିବେ । ପ୍ରତି ଟିମ୍ ରେ ୨ଜଣ ଲେଖାଏଁ ବନ୍ୟପ୍ରାଣୀ ବିଭାଗ କର୍ମଚାରୀମାନେ ନିୟୋଜିତ ହୋଇଛନ୍ତି । ଗଣନା ବେଳେ କୁମ୍ଭୀରମାନଙ୍କୁ ପ୍ରତ୍ୟକ୍ଷ ଦେଖିବା ଓ ଘୋଷରା ଚିହ୍ନକୁ ଲକ୍ଷ୍ୟ କରି ଗଣନା କରିବା ସହ ଜଳାଶୟଗୁଡିକରେ ଦଳ ଦଳ ପକ୍ଷୀଙ୍କୁ ଦେଖି ଗଣନା କାର୍ୟ୍ୟ କରାଯିବ । ଏହି ସମୟରେ ମହାନଦୀର ଗଣ୍ଡ ଅଞ୍ଚଳ ଓ ଜଳାଶୟଗୁଡିକରେ ନୌକାବିହାର ଏବଂ ମତ୍ସଜିବୀଙ୍କୁ ମାଛ ଧରିବା ପାଇଁ ସଂମ୍ପୂର୍ଣ୍ଣ ବାରଣ କରାଯାଇଛି ।
