ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସରସ୍ବତୀ ଶିଶୁ ବିଦ୍ୟା ମନ୍ଦିର ପରିସରରେ ସଂକୁଳ ସ୍ତରୀୟ ଆଚାର୍ଯ୍ୟ ପ୍ରଶିକ୍ଷଣ ଉଦଘାଟିତ ହୋଇଯାଇଛି। ଉକ୍ତ ଉତ୍ଘାଟନ ଉତ୍ସଵରେ ନୟାଗଡ ଜିଲ୍ଲା ଶିକ୍ଷା ପ୍ରତିଷ୍ଠାନର ପ୍ରଶିକ୍ଷକ ମାନସ କୁମାର ସାହୁ, ଶିକ୍ଷା ବିକାଶ ସମିତି ପୂର୍ବ ସମ୍ଭାଗର ସଂଯୋଜକ ଶିରିଶ କୁମାର ହାତୀ, ନୟାଗଡ଼ ଜିଲ୍ଲା ପ୍ରମୁଖ ହରେକୃଷ୍ଣ ମୁଦୁଲି, ସହ ଜିଲ୍ଲା ପ୍ରମୁଖ କେଶବ ଚନ୍ଦ୍ର ରାଉତରାୟ, ନୟାଗଡ଼ ସଂକୁଳ ପ୍ରମୁଖ ଦିଲ୍ଲୀପ କୁମାର ମିଶ୍ର ଇତ୍ୟାଦି ଅତିଥିମାନେ ଯୋଗ ଦେଇଥିଲେ । ଉକ୍ତ ଦିବସରେ ମୁଖ୍ୟ ଅତିଥି ମାନସ କୁମାର ସାହୁ ଗୁରୁଜୀ ଗୁରୁମା ଓ ଅତିଥିମାନଙ୍କୁ ଅନେକ ଗୁରୁତ୍ୱପୂର୍ଣ୍ଣ ବାର୍ତ୍ତା ଦେଇଥିଲେ। ୩୪ବର୍ଷ ପରେ NEP ଆଧାରରେ ପାଠ୍ୟ ଯୋଜନାକୁ ସେ ଅତି ପ୍ରଶଂସା କରିଥିଲେ ଅଭିଭାବକମାନଙ୍କୁ ଉତ୍ତମ ସଂସ୍କାର ଓ ନୈତିକ ଶିକ୍ଷା ଶିଶୁ ମାନଙ୍କୁ ଦେବା ଆବଶ୍ୟକ ବୋଲି କହିଥିଲେ ।
ଆନନ୍ଦଦାୟକ ଶିକ୍ଷା ଉପରେ ସେ ଅଧିକ ଗୁରୁତ୍ୱ ଦେଇଥିଲେ। ୨୦୨୫-୨୬ରେ ଶିକ୍ଷା ବିକାଶ ସମିତି ଓଡିଶାଦ୍ଵାରା ଆୟୋଜିତ ପ୍ରାଦେଶିକ ମେଧା ଓ ଭାରତୀକୃଷ୍ଣ ଗଣିତ ପରୀକ୍ଷାରେ ରାଜ୍ୟରେ ଯଥାକ୍ରମେ ୨ୟ ଓ ୪ର୍ଥ ସ୍ଥାନରେ ଆୟୁଷ କୁମାର ପ୍ରଧାନ ଓ ୫ମ ସ୍ଥାନରେ ଆୟୁଶ କୁମାର ଚୌଧୁରୀଙ୍କୁ ସମ୍ବର୍ଦ୍ଧନା କରାଯାଇଥିଲା। ରାଜ୍ୟସ୍ତରୀୟ ଟାଇକୋଣ୍ଡ ପ୍ରତିଯୋଗିତାରେ ସ୍ଵର୍ଣ୍ଣ ଓ ରୌପ୍ୟ ପଦ ବିଜେତା ପ୍ରିତମ ପିୟୁଷ ମିଶ୍ର ଓ ଏସ ମମରାଜଙ୍କୁ ମଧ୍ୟ ସମ୍ମାନୀତ କରାଯାଇଥିଲାଶେଷରେ ଜିଲ୍ଲା ପ୍ରମୁଖ ସଚିବ ଦିଲ୍ଲୀପ କୁମାର ମିଶ୍ର ଧନ୍ୟଵାଦ ଅର୍ପଣ କରିଥିଲେ । ଏହି ପ୍ରଶିକ୍ଷଣରେ ୧୫୦ରୁ ଉର୍ଦ୍ଧ୍ବ ଗୁରୁଜୀ ଗୁରୁମା ଦୀର୍ଘ ୩ଦିନ ଧରି ପ୍ରଶିକ୍ଷିତ ହେବାର କାର୍ଯ୍ୟକ୍ରମ ରହିଛି।
