ନୟାଗଡ଼, (ବାଘୁଆବାର୍ତ୍ତା): ଚମ୍ପତ୍ତିପୁର ପୋଡ଼ାସାହିରେ ଶାଶୁ ବୋହୂ ଝଗଡା l ଶାଶୁର ମୃତ୍ୟୁ ହୋଇଥିବା ଜଣାପଡିଛି l ମୃତ ଶାଶୁ ଜଣଙ୍କ ହେଉଛନ୍ତି ସଂସାରୀ ବରାଡ଼ଙ୍କ ସ୍ତ୍ରୀ ରମାମଣୀ ବରାଡ଼ l ସୂଚନାନୁସାରେ, ନୟାଗଡ଼ ଜିଲ୍ଲା ଇଟାମାଟି ଥାନା ଅନ୍ତର୍ଗତ ଚମ୍ପତ୍ତିପୁର ପୋଡ଼ାସାହିର ସଂସାରୀ ବରାଡ଼ଙ୍କ ସ୍ତ୍ରୀ ରମାମଣୀ ବରାଡ଼ଙ୍କ ସହ ତାଙ୍କ ବୋହୂଙ୍କ ସହ ଝଗଡା ହୋଇଆସୁଥିଲା l ଗତକାଲି ରାତିରେ ଝଗଡା ଉଗ୍ର ରୂପ ନେଇଥିବା ବେଳେ ଆଜି ସକାଳୁ ଘର ଭିତରୁ ଶାଶୁ ରମାମଣୀଙ୍କ ମୃତ ଶରୀର ଦେଖିବାକୁ ପାଇଥିଲେ ପାଖ ପଡୋଶୀ l
ତେବେ ରମାମଣୀଙ୍କୁ ମୁଁହରେ ଲୁଗା ଗୁଡ଼ାଇ ଅଣନିଶ୍ୱାସ କରି ମାରିଦେଇଥିବା ନେଇ ଅଭିଯୋଗ ହୋଇଛି l ଗୋଟିଏ ପଟେ ପାଖ ପଡୋଶୀଙ୍କ ଅଭିଯୋଗ ହେଉଥିବା ବେଳେ ଆଉ ଗୋଟିଏ ପଟେ ରମାମଣୀଙ୍କ ସ୍ୱାମୀ, ପୁଅ ବୋହୂ ସମସ୍ତେ ଫେରାର ହୋଇଯାଇଥିବା ନେଇ ସ୍ଥାନୀୟ ବାସିନ୍ଦା ପ୍ରକାଶ କରିଛନ୍ତି l ଏନେଇ ଇଟାମାଟି ପୋଲିସ ଖବର ପାଇ ଚମ୍ପତ୍ତିପୂରରେ ପହଞ୍ଚି ଶବ ଜବତ କରି ଶବ ବେବଚ୍ଛେଦ କରିବା ପାଇଁ ଜିଲ୍ଲା ମୁଖ୍ୟ ସିକିତ୍ସାଳୟରେ ରଖିଥିବା ସୂଚନା ମିଳିଛି l ପୋଲିସ ପ୍ରାଥମିକ ତଦନ୍ତ ଆରମ୍ଭ କରିଥିବା ଜଣାପଡିଛି l
