ଓଡ଼ଗାଁ(ବାଘୁଆବାର୍ତ୍ତା): ପଥରା ସ୍ଥିତ ମହର୍ଷି ଦୟାନନ୍ଦ ଚାରିଟେବୁଲ ଟ୍ରଷ୍ଟ ସଂସ୍ଥାପକ ତଥା ପରିବେଶବିତ ଶଶୀଭୂଷଣ ଆଚାରୀଙ୍କ ଗତକାଲି ଅପରାହ୍ନ ୪ ଘଟିକା ସମୟରେ ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ହୃଦଘାତରେ ମୃତ୍ୟୁ ଘଟିଅଛି ।ସେ ଏକାଧାରରେ ସମାଜ ସଂସ୍କାରକ ,ସାମାଜିକ କର୍ମୀ, ମେଳାପୀ ,ମିଷ୍ଟଭାସି ,ପରୋପକାରୀ ବ୍ୟକ୍ତିତ୍ୱ ଭାବରେ ସମଗ୍ର ଓଡ଼ଗାଁ ଅଞ୍ଚଳରେ ଜଣାଶୁଣା ଥିଲେ।ମୃତ୍ୟୁବେଳକୁ ତାଙ୍କର ବୟସ ପ୍ରାୟ ୬୮ ବର୍ଷ ବୋଲି ଜଣାପଡିଛି ।ଓଡ଼ଗାଁବ୍ଲକ ବଡପୁଟ ଗ୍ରାମରେ ଜନ୍ମଗ୍ରହଣ କରିଥିବାବେଳେ ଆରଡ଼ା ଆର୍ଯ୍ୟସମାଜର ସକ୍ରିୟ ସଦସ୍ୟ ମଧ୍ୟ ଥିଲେ।ତାଙ୍କରି ପୁଅ ଅରୁଣ ଶଙ୍କର ଆଚାରି ଝିଅ ଅନ୍ନଦା ଆଚାରି ,ପ୍ରମୁଖ ଓଡ଼ଗାଁ ଶ୍ରୀରାମ ଲଜ୍ ଏବଂ ଆଚାରି ଜୁଏଲର୍ସର ମାଲିକ ଅଟନ୍ତି ।ବୈଦିକ ରୀତିନୀତି ଅନୁଯାୟୀ ତାଙ୍କର ମରଶରୀରକୁ ଆଶ୍ରମ ପରିସର ମଧ୍ୟରେ ସମାଧି ଦିଆଯାଇଥିଲା।ତାଙ୍କର ମୃତ୍ୟୁରେ ବୃଦ୍ଧାଶ୍ରମର ସମସ୍ତ ୨୫ ଜଣ ଅନ୍ତେବାସୀ ଦୁଃଖରେ ଭାଙ୍ଗି ପଡିଛନ୍ତି ।ତିନିମାସ ତଳେ ମଧ୍ୟ ବିଶାଖାପାଟଣାରେ ହୃଦରୋଗଜନିତ ଅସ୍ତ୍ରୋପଚାର ପରେ ଘରେ ବିଶ୍ରାମ ନେଉଥିଲେ ।ସ୍ବର୍ଗତ ଆଚାରୀଙ୍କ ପରଲୋକରେ ବିଭିନ୍ନ ମହଲରୁ ଶ୍ରଦ୍ଧାଞ୍ଜଳିର ସୁଅ ଛୁଟୁଅଛି ।
