ସରସ୍ୱତୀ ଶିଶୁ ବିଦ୍ୟାମନ୍ଦିର ରୈାପ୍ୟ ଜୟନ୍ତି
ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ସରସ୍ୱତୀ ଶିଶୁ ବିଦ୍ୟାମନ୍ଦିରର ରୈାପ୍ୟ ଜୟନ୍ତି ଅବସରରେ ଛାତ୍ରଛାତ୍ରୀମାନଙ୍କ ଦ୍ୱାରା ଏକ ମଶାଲ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ପୁରୁଣା ସହର ଦକ୍ଷିଣକାଳୀ ମନ୍ଦିରଠାରୁ ଶୋଭାଯାତ୍ରା ବାହାରି ସରସ୍ୱତୀ ଶିଶୁ ବିଦ୍ୟାମନ୍ଦିରରେ ପହଂଚିଥିଲା । ଏହି ଶୋଭାଯାତ୍ରା ସହ ପାଇକ ଆଖଡ଼ା ଅନୁଷ୍ଠିତ ହୋଇଥିଲା । ଏହି ଅବସରରେ ସଂନ୍ଧ୍ୟାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ନୟାଗଡ଼ ଅତିରିକ୍ତ ଜିଲ୍ଲାପାଳ ବିଧାନ ଚନ୍ଦ୍ର ରାୟ ଯୋଗ ଦେଇଥିବା ବେଳେ ମୁଖ୍ୟବକ୍ତା ଭାବେ ଅଖିଳ ଭାରତୀୟ ଶିକ୍ଷା ସଂସ୍ଥାନ ସହ ସଂଗଠକ ମନ୍ତ୍ରୀ ଗୋବିନ୍ଦ୍ର ଚନ୍ଦ୍ର ମହାନ୍ତ ଯୋଗ ଦେଇଥିଲେ । ବର୍ତ୍ତମାନ ଯୁଗରେ ଛାତ୍ରମାନେ ସଂସ୍କାରୀ ହେବା ଆବଶ୍ୟକ ହୋଇ ପଡ଼ିଛି ବୋଲି ଅତିଥିମାନେ ମତବ୍ୟକ୍ତ କରିବା ସହ ସରସ୍ୱତୀ ଶିଶୁ ବିଦ୍ୟା ମନ୍ଦିର ହିଁ ସଂସ୍କାରୀ ଛାତ୍ର ଗଢ଼ିପାରେ ବୋଲି ମତବ୍ୟକ୍ତ କରିଥିଲେ । ରାଷ୍ଟ୍ର ଉଦ୍ଦେଶ୍ୟରେ, ରାଷ୍ଟ୍ର ପାଇଁ ଆବଶ୍ୟକତା ଛାତ୍ର ସମାଜ ପାଇଁ ଚିନ୍ତାଶୀଳ ହେବା ସହ ଉତ୍ତର ଦାୟୀ ରହିବା ଦରକାର ବୋଲି କହିଥିଲେ । ଆଜିର ସଭାରେ ଅନ୍ୟମାନଙ୍କ ମଧ୍ୟରେ ବିଦ୍ୟାଳୟର ପ୍ରଧାନ ଶିକ୍ଷକ ଅମ୍ବିକା ପଟ୍ଟନାୟକ, ସଭାପତି ମୃତ୍ୟୁଞ୍ଜୟ ମହାପାତ୍ର, ସହ ସଂପାଦକ କେଶବ ଚନ୍ଦ୍ର ରାଉତ ପ୍ରମୂଖ ଯୋଗ ଦେଇଥିଲେ । କାର୍ଯ୍ୟକ୍ରମକୁ କବି ଓ ଅନୁବାଦକ ଶରତ ଚନ୍ଦ୍ର ଆଚାର୍ଯ୍ୟ ସଂଯୋଜନା କରିଥିଲେ ।
