ନୟାଗଡ଼,(ବାଘୁଆବାର୍ତ୍ତା): କ୍ୱାରେଣ୍ଟାଇନ୍ ସେଣ୍ଟର ନିର୍ମାଣକୁ ବିରୋଧ କରି ଜଣେ ଅସାମାଜିକ ଯୁବକ ସଂରପଂଚଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ସୂଚନାନୁସାରେ, ରଣପୁର ବ୍ଲକ ଅନ୍ତର୍ଗତ ଲୋଧାଚୁଆ ପଂଚାୟତ ରାଜନଗର ଗାଁ ବିଦ୍ୟାଳୟରେ କ୍ୱାରେଣ୍ଟାଇନ୍ ସେଣ୍ଟର ନିର୍ମାଣ କାର୍ଯ୍ୟ ଚାଲିଥିବା ବେଳେ ଗ୍ରାମର ୱାର୍ଡ଼ ମେମ୍ବର କାମ ଦେଖା ରଖା କରୁଥିଲେ । ମାତ୍ର ଏହି କ୍ୱାରେଣ୍ଟାଇନ୍ ସେଣ୍ଟର ନିର୍ମାଣକୁ ବିରୋଧ କରି ଉକ୍ତ ଗ୍ରାମର ଆଲୋକ ଜେନା ୱାର୍ଡ଼ ମେମ୍ବରଙ୍କୁ ଗାଳି ଗୁଲଜ କରିଥିଲେ । ଯାହାକୁ ନେଇ ଲୋଧାଚୁଆ ସରପଂଚ ଜୟନ୍ତ କୁମାର ନାୟକ ଘଟଣାସ୍ଥଳରେ ପହଂଚି ଆଲୋକକୁ ବୁଝାଶୁଝା କରିବାକୁ ଚେଷ୍ଟା କରୁଥିବା ବେଳେ ଆଲୋକ ତାଙ୍କ ଉପରେ ଆକ୍ରମଣ କରିଥିବା ନେଇ ଅଭିଯୋଗ ହୋଇଛି । ଏନେଇ ସରପଂଚ ରଣପୁର ଥାନାରେ ଲିଖିତ ଅଭିଯୋଗ କରିବା ପରେ ସୁରକ୍ଷା ଦାବି କରିଛନ୍ତି ।
