ନୟାଗଡ଼, (ବାଘୁଆବାର୍ତ୍ତା): ଶରଣକୁଳଥାନା ଅଞ୍ଚଳରୁ ବ୍ରାଉନ ସୁଗାର ଜବତ କରିବା ସହ ଜଣେ ବ୍ୟବସାୟୀକୁ ଗିରଫ କରିଛି ଶରଣକୁଳ ପୁଲିସ୍ । ଗିରଫ ହୋଇଥିବା ବ୍ୟବସାୟୀ ଜଣଙ୍କ ହେଲେ ପ୍ରଭାତ କୁମାର ସ୍ବାଇଁ(୪୭)। ସୂଚନାନୁସାରେ, ନୟାଗଡ଼ ଜିଲ୍ଲା ଶରଣକୁଳ ଥାନା ଅନ୍ତର୍ଗତ ହରିପୁର ଗ୍ରାମର ନାରାୟଣ ସ୍ବାଇଁଙ୍କ ପୁଅ ପ୍ରଭାତ କୁମାର ସ୍ବାଇଁ ଏକ ମଟରସାଇକେଲରେ ବ୍ରାଉନ ସୁଗାର ଚାଲାଣ କରୁଥିବା ଖବର ପାଇ ଛକି ବସିଥିଲା ପୁଲିସ୍ । ପ୍ରଭାତ ଆସିବା କ୍ଷଣି ଶରଣକୁଳ ପୁଲିସ୍ ମାଡ଼ି ବସିଥିଲା । ପୁଲିସ୍ ପ୍ରଭାତଙ୍କ ଠାରୁ ୧୪ଗ୍ରାମ ୨ଶହ ମିଲିଗ୍ରାମ ବ୍ରାଉନ ସୁଗାର, ମଟରସାଇକେଲ ଓ ଏକ ମୋବାଇଲ ଫୋନ ଜବତ କରିଛି ଶରଣକୁଳ ପୁଲିସ୍ । ଥାନାରେ କେସ୍ ନଂ-୬୦/୨୦୨୨ରେ ମାମଲା ରୁଜୁ କରି ବ୍ରାଉନ ସୁଗାର ବ୍ୟବସାୟୀ ପ୍ରଭାତ ସ୍ବାଇଁଙ୍କୁ ଗିରଫ କରାଯାଇଥିବା ନେଇ ଶରଣକୁଳ ଥାନା ଅଧିକାରୀ ଜୟଦୀପ ମହାନ୍ତି ପ୍ରକାଶ କରିଛନ୍ତି ।
