ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଶରଣକୁଳ ଡାକ୍ତରଖାନାରେ ଡାକ୍ତର ଡାକ୍ତର ବିବାଦକୁ ନେଇ ପରିସ୍ଥିତି ଉଗ୍ର ହୋଇଛି । ଶରଣକୁଳ ଡାକ୍ତରଖାନାରେ କାର୍ୟ୍ୟରତ ଡା. ସରିତା ବେହେରା ବିଳମ୍ବରେ ଆସିବାକୁ ନେଇ ଡା. ଅଂଶୁମାନ ସାହୁ ବିରକ୍ତି ହୋଇଥିଲେ । ଯାହାକୁ ନେଇ ଉଭୟ ଡାକ୍ତରଙ୍କ ମଧ୍ୟରେ ବଚସା ହୋଇଥିଲା । ଏନେଇ ଡା. ବେହେରାଙ୍କ ସମର୍ଥନରେ ସ୍ଥାନୀୟ ବ୍ୟକ୍ତି ଶେଖ୍ ଆଜାଦ୍ ଡାକ୍ତରଖାନାରେ ପହଞ୍ଚି ଡା. ସାହୁଙ୍କୁ ମାଡ଼ ମାରିଥିବା ଥାନାରେ ଅଭିଯୋଗ ହୋଇଛି । ଡା. ସାହୁଙ୍କ ଅଭିଯୋଗ କ୍ରମରେ ପୁଲିସ ଏକ ମାମଲା ରୁଜୁ କରି ଶେଖ୍ ଆଜାଦ୍ କୁ ଗିରଫ କରିଥିବା ସୂଚନା ମିଳିଛି । ଅନ୍ୟପକ୍ଷେ. ଡା. ବେହେରାଙ୍କୁ ଦୁର୍ବବ୍ୟବହାର କରାଯାଇଥିବା ନେଇ ହୋଇଥିବା ଅଭିଯୋଗ ଆଧାରରେ ଡା. ସାହୁଙ୍କ ନାମରେ ମାମଲା ରୁଜୁ ହୋଇଛି । ଡାକ୍ତରଖାନାରେ ଏଭଳି ପରିସ୍ଥିତି ସ୍ଥାନୀୟ ଅଞ୍ଚଳରେ ଆଲୋଚନାର ବିଷୟ ପାଲଟିଛି ।





