ସମିତି ସଭ୍ୟଙ୍କ ଆକ୍ରମଣରେ ସରପଞ୍ଚଙ୍କ ସ୍ୱାମୀ ଗୁରୁତର

ଶରଧାପୁର ଗାଁରେ ରାଜନୈତିକ ହିଂସା

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଶରଧାପୁର ଗାଁରେ ରାଜନୈତିକ ହିଂସା l ପୂର୍ବ ଶତ୍ରୁତାକୁ ନେଇ ସରପଞ୍ଚଙ୍କ ସ୍ୱାମୀଙ୍କୁ ମରଣାନ୍ତକ ଆକ୍ରମଣ କରିଛନ୍ତି ସମିତି ସଭ୍ୟ l ପରସ୍ପର ଆକ୍ରମଣରେ ୨ ଗୁରୁତର ଆହତ l ବିଜେଡ଼ି ସମର୍ଥିତ ସରପଞ୍ଚଙ୍କ ସ୍ୱାମୀ ସନ୍ତୋଷ କୁମାର ମୁଦୁଲି ଓ ବିଜେପି ସମର୍ଥିତ ସମିତି ସଭ୍ୟ ସୁଜିତ କୁମାର ପ୍ରଧାନଙ୍କ ମଧ୍ୟ୍ୟରେ ପୂର୍ବରୁ ରାଜନୈତିକ ବିବାଦ ଲାଗିଥିଲା। ଆଜି ସରପଞ୍ଚଙ୍କ ପ୍ରତିନିଧି ସନ୍ତୋଷ ମୁଦୁଲି ତାଙ୍କ ଘରର ପଛପଟେ ଠିଆ ହୋଇଥିବା ବେଳେ ସମିତି ସଭ୍ୟ ସୁଜିତ ପ୍ରଧାନ ଓ ତାଙ୍କ ଚାରିରୁ ପାଞ୍ଚ ଜଣ ସମର୍ଥକ ଖଣ୍ଡା ଆକ୍ରମଣ କରିଥିଲେ ଏବଂ ଠେଙ୍ଗାରେ ସନ୍ତୋଷଙ୍କ ବେକ ଓ ଗୋଡ଼କୁ ଆକ୍ରମଣ କରି ଜୀବନରୁ ମାରିଦେବାକୁ ବସିଥିଲେ l ତେବେ ସନ୍ତୋଷଙ୍କ ପରିବାର ଲୋକ ପାଟି ଶୁଣି ଆସିବାରୁ ଉଭୟଙ୍କ ମଧ୍ୟ ଧସ୍ତାଧସ୍ତି ହୋଇଥିଲେ l ଉଭୟ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି ହୋଇଥିଲେ l ସନ୍ତୋଷଙ୍କ ମୁଣ୍ଡରେ 15ଟି ଷ୍ଟିଜ ପଡ଼ିଥିବା ବେଳେ ତାଙ୍କୁ ଭୁବେନେଶ୍ୱର ସ୍ଥାନାନ୍ତର କରାଯାଇଛି l ତେବେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଆବଶ୍ୟକ ପରିମାଣର ଆମ୍ବୁଲାନ୍ସ ନଥିବାରୁ ଘରୋଇ ଆମ୍ବୁଲାନ୍ସରେ ସନ୍ତୋଷଙ୍କୁ ଚିକିତ୍ସାପାଇଁ ସ୍ଥାନାନ୍ତର କରାଯାଇଛି l ଖବର ପାଇ ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁ ହସ୍ପିଟାଲରେ ପହଞ୍ଚି ଉଭୟଙ୍କ ଆରୋଗ୍ୟ କାମନା କରିଛନ୍ତି l ରକ୍ତ ଜୁଡୁବୁଡୁ ଅବସ୍ଥାରେ ଉଭୟଙ୍କୁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯିବା ପରେ ଭୁବନେଶ୍ୱର ସ୍ଥାନାନ୍ତର ହୋଇଛନ୍ତି l ଇଟାମାଟି ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି l