ନୟାଗଡ଼, (ବାଘୁଆବାର୍ତ୍ତା) : ଶୋଇଥିବା ଦଶମ ଶ୍ରେଣୀ ଛାତ୍ରୀଙ୍କ ବିଷଧର ସାପ କାମୁଡ଼ାରେ ମୃତ୍ୟୁ ହୋଇଛି । ନୟାଗଡ଼ ଜିଲ୍ଲା ଗଣିଆ ବ୍ଲକ ଅନ୍ତର୍ଗତ ଛାମୁଣ୍ଡିଆ ପଞ୍ଚାୟତ ଅଧିନସ୍ଥ ମହନାପଦା ହରିଜନସାହିର ଏବର୍ଷ ଦଶମ ଶ୍ରେଣୀ ପରୀକ୍ଷାରେ ପାସ କରିଥିବା ଛାତ୍ରୀ ଲିଜା ନାୟକ ଏହି ଘଟଣାର ଶିକାର ହୋଇଛନ୍ତି । ରାତିରେ ଖାଇକି ଘରେ ଶୋଇଥିବା ଛାତ୍ରୀ ,ଭୋର ଚାରିଟା ସମୟରେ କାନକୁ କଣ କାମୁଡ଼ିଦେଲା କହି ଚିତ୍କାର କରି ଜୋରରେ ପାଟି କରିଥିଲା । କିନ୍ତୁ କଣ କାମୁଡିଥିଲା କେହି ଦେଖି ପାରିନଥିଲେ । ତାଙ୍କୁ ପ୍ରଥମେ ଆମ୍ବୁଲାନ୍ସ ଯୋଗେ ଗଣିଆ ଗୋଷ୍ଠୀ ସ୍ୱଥ୍ୟକେନ୍ଦ୍ କୁ ନିଆଯାଇଥିଲା ପରେ ଅବସ୍ଥା ସଂକଟାପର୍ଣ୍ଣ ଥିବାରୁ ତାଙ୍କୁ ନୟାଗଡ଼ ଜିଲ୍ଲା ଚିକିତ୍ସାଳୟକୁ ଡାକ୍ତର ସ୍ଥାନାନ୍ତରିତ କରାଯାଇଥିଲା । ହେଲେ ସେଠାରେ ଚିକିତ୍ସିତ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା । ସେ ଗରିବ ଶ୍ରେଣୀର ହୋଇଥିବାରୁ ତାଙ୍କୁ ସରକାରୀ ସାହାଯ୍ୟ ଯୋଗାଇଦେବା ପାଇଁ ଜନସାଧାରଣରେ ଦାବି ହେଉଛି ।
