ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ କ୍ଲବ ଦ୍ୱାରା ଆୟୋଜିତ ଭଏସ୍ ଅଫ୍ ନୟାଗଡ଼ ସିଜିନ-୨ରେ ବିଚାରପତି ତଥା ଅତିଥି ଭାବେ ଯୋଗ ଦେଇ ପ୍ରଖ୍ୟାତ ସଂଗୀତ ନିର୍ଦ୍ଦେଶକ କୃଷ୍ଣଚନ୍ଦ୍ର ସାବତ୍ ପ୍ରତିଯୋଗୀମାନଙ୍କୁ ଉତ୍ସାହିତ କରିବା ସହ ନୟାଗଡ଼ କ୍ଲବ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମକୁ ପ୍ରଶଂସା କରିଥିଲେ । ଏହି ଅବସରରେ କୃଷ୍ଣଚନ୍ଦ୍ର ସଂଗୀତକୁ ସବୁଠୁ ଅଧିକ ପ୍ରେମ କରୁଥିବା କହିବା ସହ ସମ୍ରାଟ କ୍ୟାସେଟରୁ ତାଙ୍କ ସଂଗୀତ ଜୀବନର ଆରମ୍ଭ ବୋଲି କହିଛନ୍ତି । ସାଧବ ବୋହୂଲ, ସାଧବ ବୋହୂ ଏବଂ ସଂଜ ନଇଁଗଲେ ଗୀତ କୃଷ୍ଣଚନ୍ଦ୍ର ଗାଇ ଶ୍ରୋତାଙ୍କୁ ବିଭୋର କରିଥିଲେ । ଏଥିସହିତ ଶାଗୁଣା ବସିଛି ଡାଳେ ଗୀତକୁ ସେ ଗୁରୁ ନବକିଶୋର ମିଶ୍ରଙ୍କୁ ସମର୍ପଣ କରିଥିଲେ ।
ସଙ୍ଗୀତକୁ ପ୍ରେମ କରେ – କୃଷ୍ଣଚନ୍ଦ୍ର ସାବତ୍
