ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଭାପୁର ବ୍ଲକ ଯୁବ ବିଜେଡି ସଭାପତି ସୁଶାନ୍ତ କୁମାର ସାହୁଙ୍କୁ ଆଜି ବିଭିନ୍ନ ପଂଚାୟତ ତରଫରୁ ଶୁଭେଚ୍ଛା ଓ ସମ୍ବର୍ଦ୍ଧନା ଦିଆ ଯାଇଛି । ନୟାଗଡ଼ ଯୁବ ବିଜେଡି ସଭାପତି ରମେଶ ସାହୁଙ୍କ ଦ୍ୱାରା ଭାପୁର ବ୍ଲକ ଦାୟିତ୍ୱ ସୁଶାନ୍ତ କୁମାର ସାହୁଙ୍କୁ ପ୍ରଦାନ କରାଯାଇଥିବା ବେଳେ ଏହାକୁ ନେଇ ଭାପୁର ଅଂଚଳରେ ବିଜୁ ଜନତା ଦଳର ଯୁବ କର୍ମକର୍ତ୍ତାଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଅନ୍ୟପକ୍ଷେ, ଅଂଚଳର ସଂଗଠନକୁ ମଜବୁତ କରିବା ସହ ସାଧାରଣ ଲୋକେ କିଭଳି ସରକାରଙ୍କ ବିଭିନ୍ନ ଯୋଜନା ଦ୍ୱାରା ଉପକାର ପାଇ ପାରିବେ ସେ ନେଇ ଆଗକୁ କାର୍ଯ୍ୟ କରିବେ ବୋଲି ସୁଶାନ୍ତ କହିଛନ୍ତି ।
