କନ୍ଧମାଳ ସାହିତ୍ୟ ମହୋତ୍ସବ

କନ୍ଧମାଳ, (ବାଘୁଆବାର୍ତ୍ତା) : କେଏଲ୍ଏଫ୍ ଦ୍ୱାରା ଆୟୋଜିତ କନ୍ଧମାଳ ସାହିତ୍ୟ ମହୋତ୍ସବ ଦ୍ୱିତୀୟ ଦିବସରେ ସାମାଜିକ ଗଣମାଧ୍ୟମର ଯୁଗ, ତରୁଣ ଲେଖକଙ୍କ ପାଇଁ ସମ୍ଭାବନା ବିଷୟ ବସ୍ତୁ ଉପରେ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ଏହି ଆଲୋଚନା ପର୍ବକୁ କଥାକାର ଅମରେଶ ବିଶ୍ୱାଳ ସଂଚାଳନା କରିଥିବା ବେଳେ ଆଲୋଚନାରେ ଅଂଶ ଗ୍ରହଣ କରିଥିଲେ ଯୁବ କଥାକାର ଅନୀଲ କୁମାର ପଣ୍ଡା, ଯୋଗେଶ୍ୱର ପଣ୍ଡା, ଦେବମିତ୍ରା ମିଶ୍ର । ବର୍ତ୍ତମାନ ସମୟରେ ସାମାଜିକ ଗଣମାଧ୍ୟମ ନବପ୍ରତିଭାଙ୍କ ପାଇଁ ସୁଯୋଗ ସୃଷ୍ଟି କରିବା ସହ ପରିଚିତ କରାଉଛି ବୋଲି ଆଲୋଚନାରେ ମତ ପ୍ରକାଶ ପାଇଥିଲା । ଏହି ଅବସରରେ ଗତ ପାଂଚ ବର୍ଷ ଭିତରେ ସାମାଜିକ ଗଣମାଧ୍ୟମରେ ଓଡ଼ିଆ ଭାଷା ଓ ଲିପିର ବ୍ୟବହାର ବଢ଼ୁଥିବା ନେଇ ଶ୍ରୀ ପଣ୍ଡା ମତ ଦେଇଥିବା ବେଳେ ଏହାଦ୍ୱାରା ଭାଷା ସମୃଦ୍ଧ ହେଉଥିବା କହିଥିଲେ । ଏତଦ୍ ବ୍ୟତିତ ସଂଚାଳକ ଶ୍ରୀ ବିଶ୍ୱାଳ ଲେଖାକୁ ସାମାଜିକ ଗଣମାଧ୍ୟମରେ ଲେଖିବା ଦ୍ୱାରା ଏହା ଦେଶ ବିଦେଶର ପାଠକ ନିକଟରେ ସହଜରେ ପହଂଚି ପାରୁଥିବା ନେଇ ମତ ଦେଇଥିଲେ ।