ଓଡ଼ଗାଁ, (ବାଘୁଆବାର୍ତ୍ତା) : ଓଡ଼ଗାଁ ବନାଚଂଳ ଅନ୍ତର୍ଗତ ବାହାଡ଼ାଝୋଲା ବେତନଟି ଅଂଚଳରୁ ବନପାଳ ସରୀତା ବରାଳଙ୍କ ଦ୍ୱାରା କଟା ଯାଇଥିବା ୫ଟି ଶାଳଗଣ୍ଡି ଜବତ ହୋଇଛି । ଜବତ କାଠର ମୁଲ୍ୟ ୫୦ ହଜାର ଟଙ୍କାରୁ ଅଧିକ ହେବ ବୋଲି ଜଣା ଯାଇଛି । ବନକର୍ମଚାରୀମାନେ ୨ଟି ଦୁର୍ଘଟଣାରୁ ଅଳ୍ପକେ ରକ୍ଷା ଯାଇଛନ୍ତି । ସୂଚନାନୁସାରେ, ଜଙ୍ଗଲରେ କାଠ କଟା ଯାଉଥିବା ଖବରପାଇ ବାହାଡ଼ାଝୋଲା ବନପାଳ ସରୀତା ବରାଳ ସହକର୍ମିମାନଙ୍କୁ ସାଙ୍ଗରେ ନେଇ ନାଲିଆମ୍ବା ଜଙ୍ଗଲ ଭିତରକୁ ପଶୁଥିବା ବେଳେ ଚୋରାକାଠ କଟାଳିମାନେ କାଟୁଥିବା ଶାଳଗଛ ଜଙ୍ଗଲ ମଧ୍ୟକୁ ନପଡ଼ି ରାସ୍ତା ଉପରକୁ ପଡିଥିଲା । ବନକର୍ମଚାରୀଙ୍କ ଗାଡି ପାର ହେବାର ନିମିଷକ ପୂର୍ବରୁ ଗଛଟି ରାସ୍ତା ଉପରକୁ ପଡିଥିବା ବେଳେ ଗୋଟିଏ ବିପଦରୁ ବର୍ତି ପାର ହେଉଥିବା ବେଳେ ଅନ୍ଧାର ଯୋଗୁଁ ଗଛବାଜି ୧୧କେଭି ଜୀବନ୍ତ ତାର ଛିଡି ତଳେ ପଡିଥିବା ବନକର୍ମଚାରୀମାନେ ଯାଣି ପାରିନଥିଲେ । ଜଣେ କର୍ମଚାରୀଙ୍କୁ ବିଦ୍ୟୁତ୍ କରେଂଟ୍ ଲାଗିବାରୁ ତାର ଛିଣ୍ଡିଥିବା ଯାଣି ବିଦ୍ୟୁତ ବିଭାଗକୁ ଖବର ଦେଇଥିଲେ । ବିଦ୍ୟୁତ ସଂଯୋଗ ବିଛିନ୍ନ ହେବା ପରେ ଗଛ ନିକଟରେ ପହଁଚିବା ବେଳକୁ ଚୋରା କଟାଳି ଓ ବ୍ୟବସାୟୀମାନେ ଘଟଣାସ୍ଥଳରୁ ଚାଲିଯାଇଥିଲେ । କାଠ ଜବତ କରାଯାଇଥିବା ଜଣାଯାଇଛି ।
