ସହଯୋଗ ତାଲିମ ଶିବିର

ନୟାଗଡ଼, (ବାଘୁଆବାର୍ତ୍ଥା) : ଗଣିଆ ବ୍ଲକରେ ଥିବା ୬ଟି କ୍ଲଷ୍ଟରରେ ବିଦ୍ୟାଳୟ ପରିଚାଳନା କମିଟି ସଭ୍ୟ ସଭ୍ୟା ମାନଙ୍କୁ ନେଇ ସହଯୋଗ ତାଲିମ ଶିବିର ଅନୁଷ୍ଠିତ ହୋଇ ଯାଇଛି । ଗଣିଆ, ଆଡକଟା, ଗୋଛାବାରୀ, ଛାମୁଣ୍ଡିଆ, ରାସଙ୍ଗ, କିଶୋରପ୍ରସାଦର ୬ଟି କ୍ଲଷ୍ଟରରେ ୧୨ ଜଣ ପରିଚାଳନା କମିଟି ସଦସ୍ୟ, ଜଣେ ଆଶା, ଜଣେ ଅଙ୍ଗନୱାଡି କର୍ମୀ ଓ ଜଣେ ୱାର୍ଡ ମେମ୍ବରଙ୍କୁ ନେଇ ଏହି ଶିବିର ଉଦଯାପିତ ହୋଇ ଯାଇଛି । ଏହି ଶିବିରରେ ୪ ଜଣ ପ୍ରଶିକ୍ଷକ ଉପସ୍ଥିତ ସଦସ୍ୟଙ୍କୁ ଶିବିର ସମ୍ପର୍କରେ ଆଲୋକପାତ କରିଥିଲେ । ସମସ୍ତ କ୍ଲଷ୍ଟରର ସିଆସିସି ମାନେ ଶିବିର ପରିଚାଳନା କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ । ବ୍ଲକ ଶିକ୍ଷା ଅଧିକାରୀ ପ୍ରଶନ୍ନ କୁମାର ଦାଶ,ଅତିରିକ୍ତ ଶିକ୍ଷା ଅଧିକାରୀ ରବିନ୍ଦ୍ର ବେହେରା, ପ୍ରଶାନ୍ତ କୁମାର ସାହୁ, ରାଜକିଶୋର ମହାରଣା ପ୍ରମୁଖ ପ୍ରତ୍ୟେକ ଶିବିର ପରିଦର୍ଶନ କରିଥିଲେ ।