ନୟାଗଡ଼, (ବାଘୁଆବାର୍ତ୍ତା): ସଦର ଥାନା ପୁଲିସ୍ ଆଜି ସିତାରାମପୁର ରେଲୱେ ଓଭରବ୍ରିଜ୍ ନିକଟରୁ ଜଣେ ବ୍ୟକ୍ତି ଠାରୁ ଚୋରା ମଦ ଓ ସ୍କୁଟି ଜବତ କରିବା ସହିତ ବ୍ୟବସାୟ କୈଳାସ ସାହୁକୁ ଗିରଫ୍ କରିଛି । ସୂଚନାନୁସାରେ, ନୟାଗଡ଼ ସଦରଥାନା ଅନ୍ତର୍ଗତ ଢେଙ୍କେଣା ପଞ୍ଚାୟତ ଅଧିନରେ ଥିବା ସିତାରାମପୁର ଅଞ୍ଚଳରେ ଚୋରାରେ ମଦ ବ୍ୟବସାୟ ହେଉଥିଲା । ସଦର ଥାନା ପୁଲିସ୍ ବିଶେଷ ସୁତ୍ରରୁ ଖବର ପାଇ ଆଜି ସଂଧ୍ୟାରେ ପେଟ୍ରୋଲିଂ କରୁଥିବା ବେଳେ କୈଳାସ ସାହୁ ଏକ ସ୍କୁଟିରେ ମଦ ନେଇ ଯାଉଥିଲା । ପୁଲିସ ଅଟକାଇବାରୁ ଗାଡ଼ି ଛାଡି ଦୌଡି ପଳାଇବାକୁ ଚେଷ୍ଟା କରୁଥିବା ବେଳେ ପୁଲିସ କାବୁ କରି ଥାନାକୁ ଆଣିଥିଲା । ସ୍କୁଟିରୁ ୧୬.୧୪୦ମିଲି ଲିଟର ବିଅର, ଓସି ବ୍ଲୁ ମଦ ଓ ସ୍କୁଟି ଜବତ କରିଛି ପୁଲିସ୍ । ଥାନାରେ କେସ୍ ନଂ ୭୫/୨୧ରେ ଏକ ମାମଲା ଋଜୁ କରି କୈଳାସ ସାହୁକୁ ଗିରଫ୍ କରାଯାଇଛି ଆସନ୍ତା କାଲି କୋର୍ଟ ଚାଲାଣ କରାଯିବ ବୋଲି ସଦର ଥାନା ଅଧିକାରୀ ଦୀପକ୍ କୁମାର ଖଣ୍ଡାୟତରାୟ ସୂଚନା ଦେଇଛନ୍ତି । ଉକ୍ତ ଚଢଉରେ ଉପଆରକ୍ଷୀ ନିରୀକ୍ଷକ ଏସ୍ ବେହେରା, ଉପଆରକ୍ଷୀ ନିରୀକ୍ଷକ ସୋଫିଆ ମିଶ୍ର, ଏଏସଆଇ ଆର କଅଁର ଓ ଦୁଇ ଜଣ ଗୃହରକ୍ଷୀ ସାମିଲ ଥିଲେ ।
