ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ସଦରବ୍ଲକ ଅନ୍ତର୍ଗତ କ୍ରିଦାଶପୁର ପଂଚାୟତର ୯ଟି ଗ୍ରାମରେ ଆଜି କରୋନା ଏବଂ ଅନ୍ୟାନ ପ୍ରସଙ୍ଗକୁ ନେଇ ସଚେତନତା ସଭା ଅନୁଷ୍ଠିତ ହୋଇଯାଇଛି । ଗାଁ କଲ୍ୟାଣ ସମିତିର ନବ ଗଠିତ କମିଟି ଏହା ସଭାରେ ଯୋଗ ଦେଇଥିବା ବେଳେ ପଂଚାୟତ ସରପଂଚ ଅନ୍ତର୍ଯ୍ୟାମୀ ଦାଶ, ନିର୍ବାହୀ ଅଧିକାରୀ ମନୋଜ ପ୍ରଧାନ ଯୋଗ ଦେଇ ଲୋକଙ୍କୁ କରୋନା ଉପରେ ସଚେତନ କରିଥିଲେ । ଏହି ସଚେତନତା କାର୍ଯ୍ୟକ୍ରମରେ ସମସ୍ତ ଅଙ୍ଗନୱାର୍ଡ଼ୀ ଓ ଆଶା କର୍ମୀ ଯୋଗ ଦେଇଥିବା ବେଳେ କ୍ରିଦାଶପୁର ଅଙ୍ଗନୱାର୍ଡ଼ୀ କର୍ମୀ ଜ୍ୟୋତ୍ସାମୟୀ ପଣ୍ଡା ଲୋକଙ୍କୁ କରୋନାଠାରୁ ଦୂରେଇ ରହିବା ପାଇଁ ସାମାଜିକ ଦୂରତା ଏବଂ ମାସ୍କ ବ୍ୟବହାର ଉପରେ ସଚେତନ କରିଥିଲେ ।
