ଆର୍ଥିକ ସାକ୍ଷରତା ତାଲିମ କାର୍ଯ୍ୟକ୍ରମ

ନୟାଗଡ଼,(ବାଘୁଆବାର୍ତ୍ତା): ମାର୍ଚ୍ଚ ୭ ତାରିଖଠାରୁ ୧୭ ତାରିଖ ପର୍ଯ୍ୟନ୍ତ ଭାରତୀୟ ଷ୍ଟେଟ୍ ବ୍ୟାଙ୍କ ଗ୍ରାମୀଣ ଆତ୍ମନିଯୁକ୍ତି ତାଲିମ ପ୍ରତିଷ୍ଠାନଠାରେ ଆର୍ଥିକ ସାକ୍ଷରତା ତାଲିମ କାର୍ଯ୍ୟକ୍ରମ ହୋଇଥିଲା । ଉକ୍ତ ତାଲିମ ଶିବିରରେ ନୟାଗଡ଼ ଜିଲ୍ଲାର ବିଭିନ୍ନ ବ୍ଲକରୁ ୪ ଗୋଟି ବ୍ୟାଚ୍ରେ ୧୩୫ ଜଣ ପଞ୍ଚାୟତସ୍ତରୀୟ ମାଷ୍ଟର ବୁକ୍ କିପର(ଏମବିକେ)ମାନଙ୍କୁ ଆର୍ଥିକ ସାକ୍ଷରତା ତାଲିମ ଯୋଗାଇ ଦିଆଯାଇଥିଲା । ଏହା ଦ୍ୱାରା ସମାଜରେ ଲୋକମାନଙ୍କର ଆର୍ଥିକ ସ୍ଥିତିରେ ଉନ୍ନତି ସଙ୍ଗେ ସଙ୍ଗେ ଆର୍ଥିକ ପରିଚାଳନାରେ ସୁଧାର ଆସିପାରିବ । ଗ୍ରାମାଞ୍ଚଳରେ ରହୁଥିବା ଆର୍ଥିକ ଅନଗ୍ରସର ବ୍ୟକ୍ତି, ଅନୁନ୍ନତ ଦୁର୍ବଳ ଶ୍ରୈଣୀ ବ୍ୟକ୍ତି ବିଶେଷ ଏବଂ ମହିଳା ସ୍ୱୟଂ ସହାୟକ ଦଳର ସଭ୍ୟାମନଙ୍କୁ ଆର୍ଥିକ ସଚେତନତା ବାର୍ତା ମାଧ୍ୟମରେ ସରକାର ଓ ବ୍ୟାଙ୍କର ବିଭିନ୍ନ ଯୋଜନାଗୁଡ଼ିକୁ ସଠିକ୍ ଭାବରେ ପରିଚାଳନା କଲେ ପ୍ରତ୍ୟେକ ପରିବାରର ଆର୍ଥିକ ସମ୍ବଳରେ ଉନ୍ନତି ଅଣାଯାଇପାରିବ । ଯାହାଦ୍ୱାରା ଦେଶର ଆର୍ଥିକ ସ୍ଥିତିରେ ପରିବର୍ତନ ଦ୍ୱାରା ଏକ ସୁସ୍ଥ ସମାଜ ଗଠନରେ ସହାୟକ ହୋଇପାରିବ । ତାଲିମ କାର୍ଯ୍ୟକ୍ରମ ଶେଷ ଦିବସରେ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ସୁବାସ ଚନ୍ଦ୍ର ରାୟ ଉପସ୍ଥିତ ରହି ତାଲିମାର୍ଥିମାନଙ୍କ ମନୋବଳକୁ ଦୃଢ଼ କରିବା ନିମନ୍ତେ ଉପଦେଶ ମାଧ୍ୟମରେ ମହିଳାମାନେ ଆର୍ଥିକ ସାକ୍ଷରତା ହେବା ଦ୍ୱାରା ସମାଜର ଅଗ୍ରଗତି ସମ୍ଭବ ହୋଇପାରିବ ବୋଲି ମତ ବ୍ୟକ୍ତ କରିଥିଲେ । କାର୍ଯ୍ୟକ୍ରମରେ ମନୋଜ କୁମାର ସ୍ୱାଇଁ, ସଂଜୟ କୁମାର ମହାପାତ୍ର, ସମିଧା ପାଢ଼ୀ, ବିଶ୍ୱଜିତ ଦାସ ଗୋପାଳ ଚନ୍ଦ୍ର ପ୍ରଧାନ ଉପସ୍ଥିତ ରହିଥିଲେ ।