ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ରେ ଆହାର କେନ୍ଦ୍ର ପରିଚାଳନା କରୁଥିବା ନୟାଗଡ଼ ରୋଟାରୀ କ୍ଲବକୁ ରୋଟାରୀ ଜିଲ୍ଲା ଗଭର୍ଣ୍ଣର ରୋଟାରିଆନ୍ ସୈାମ୍ୟରଂଜନ ମିଶ୍ର ଉତ୍କର୍ଷ ଆହାର ପରିଚାଳନା ପୁରସ୍କାର ପ୍ରଦାନ କରିଛନ୍ତି । ସ୍ଥାନୀୟ ରୋଟାରୀ କ୍ଲବ ପରିସରରେ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ସେକ୍ରେଟାରୀ ଜେନେରାଲ ରୋଟାରିଆନ୍ ପ୍ରସନ୍ନ କୁମାର ଲେଙ୍କା ଯୋଗ ଦେଇ ଉକ୍ତ ସମ୍ମାନ ଜନକ ପୁରସ୍କାରକୁ କ୍ଲବର ସଭାପତି ରୋଟାରିଆନ୍ ନିରୁପମା ପଟ୍ଟନାୟକଙ୍କୁ ଅର୍ପଣ କରିଛନ୍ତି । ବରିଷ୍ଠ ରୋଟାରିଆନ୍ ତଥା ମୁଖ୍ୟ ସଂଯୋଜକ ପ୍ରମୋଦ ପଟ୍ଟନାୟକଙ୍କୁ ରୋଟାରୀ ସେବା ସମ୍ମାନ ପ୍ରଦାନ କରିବା ସଙ୍ଗେ ସଙ୍ଗେ ବିଭିନ୍ନ ଜନକଲ୍ୟାଣ କାର୍ଯ୍ୟକ୍ରମ ପାଇଁ ନୟାଗଡ଼ ରୋଟାରୀ କ୍ଲବ ପାଇଁ ବିଦାୟୀ ସଭାପତି ଇଂ ମଦନ ମୋହନ ମହାପାତ୍ରଙ୍କୁ ଅନନ୍ୟ କ୍ଲବ ସମ୍ମାନ ପ୍ରଦାନ କରାଯାଇଛି । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ କ୍ଲବର ସଂଯୋଜକ ମିହିରି ରଂଜନ ନାୟକ ଏବଂ ଆଗାମୀ ବର୍ଷର ସଭାପତି ଧିରେନ୍ଦ୍ର ପଟ୍ଟନାୟକ ପ୍ରମୂଖ ଉପସ୍ଥିତ ଥିଲେ ।
