ଭୁବନେଶ୍ୱର (ବାଘୁଆବାର୍ତ୍ତା): ଦିନକୁ ଦିନ କରୋନାର ପ୍ରଭାବରେ ଅନେକ ଜୀବନ ଯାଇଛି । ଆଜି ଆଜତକ ନ୍ୟିୁଜ ଆଙ୍କର ରୋହିତ ସରଦାନଙ୍କ ପରଲୋକ ସମସ୍ତଙ୍କୁ ଚକିତ କରିଛି । ଯିଏକି ଆସିଲା ମାତ୍ରେ ଆରମ୍ଭ କରନ୍ତି ‘ନମସ୍କାର ଆପ୍ ଦେଖ ରହେ ହେଁ ଆଜ ତକ, ମେଁ ହୁଁ ଆପକେ ରୋହିତ ସରଦାନ, ଶାମ କେ ପାଞ୍ଚ ବଜ ରହେ ହେଁ । ଅବ ୱକ୍ତ ହୋ ଚଲା ହେ ଦଙ୍ଗଲକା’ ଭଳି ଦମଦାର ସ୍ୱର ଆଉ ଟିଭି ପରଦାରେ ଶୁଣିବାକୁ ମିଳିବନି । କାରଣ ଏହି ଡାଏଲଗ ଯୋଗୁ ଘରେ ଘରେ ପରିଚିତ ହୋଇ ପାରିଥିବା ‘ ଆଜ ତକ’ର ନ୍ୟୁଜ ଆଙ୍କର ରୋହିତ ସରଦାନା (୪୨) କରୋନାରେ ଆଖି ବୁଜି ସାରିଛନ୍ତି । କୋଭିଡ ପଜିଟିଭ ହେବା ପରେ ତାଙ୍କର ହୃଦଘାତ ହେବାରୁ ମୃତ୍ୟୁ ହୋଇଛି ବୋଲି ଜଣାପଡ଼ିଛି । ସେ ଦିଲ୍ଲୀରେ ପରିବାର ବର୍ଗଙ୍କ ସହ ରହୁଥିଲେ । ରୋହିତ ସଂକ୍ରମିତ ହୋଇ ସୁସ୍ଥ ହେଉଥିଲେ । ଗୁରୁବାର ରାତିରେ ନିଜର ସହକର୍ମୀଙ୍କୁ ଫୋନ କରି କଥା ମଧ୍ୟ ହୋଇଥିଲେ ହେଲେ ବିଳମ୍ବିତ ରାତିରେ ତାଙ୍କର ସ୍ୱାସ୍ଥ୍ୟାବସ୍ଥା ବିଗିଡ଼ିବାରୁ ନୋଏଡାର ମେଟ୍ରୋ ହସ୍ପିଟାଲରେ ତାଙ୍କୁ ଭର୍ତ୍ତି କରାଯାଇଥିଲା । ଶୁକ୍ରବାର ହୃଦଘାତ ହେବାରୁ ତାଙ୍କର ବିୟୋଗ ହୋଇଛି । ହରିଆଣାର କୁରୁକ୍ଷେତ୍ର ନିବାସୀ ରୋହିତ ସରଦାନା ଅନେକ ଥର ବେଷ୍ଟ ଆଙ୍କର ଆୱାର୍ଡ ମଧ୍ୟ ପୁରସ୍କୃତ ହୋଇଛନ୍ତି । ରୋହିତ ଦେଶର ଅନ୍ୟତମ ଲୋକପ୍ରିୟ ଆଙ୍କର । ସେ ପ୍ରଥମେ ତାଙ୍କର କ୍ୟାରିଅର ଅଲ ଇଣ୍ଡିଆ ରେଡିଓରୁ ଆରମ୍ଭ କରିଥିଳେ । ଏହାପରେ ଇଟାୱା, ସାହାରା ସମୟ, ଜି ନ୍ୟୁଜ ପରେ ୨୦୧୮ ରେ ଆଜତକରେ ଯୋଗ ଦେଇଥିଲେ । ‘ଆଜ ତକ’ ପୂର୍ବରୁ ସେ ଜୀ ନ୍ୟୁଜରେ ଥିଲେ । ଜି ନ୍ୟୁଜରେ ସମ୍ପାଦକ ସୁଧୀର ଚୌଧୁରୀ ଟ୍ୱିଟ କରି ରୋହିତଙ୍କ ବିୟୋଗ ବାବଦରେ ସୂଚନା ଦେଇଛନ୍ତି । ସୁଧୀର ଟ୍ୱିଟ କରି କହିଛନ୍ତି, ତାଙ୍କୁ ତାଙ୍କର ସହଯୋଗୀ ଜିତେନ୍ଦ୍ର ଶର୍ମା ଫୋନ କରି ରୋହିତଙ୍କ ବିୟୋଗ ବାବଦରେ ସୂଚନା ଦେଇଥିଲେ । ସେ ଏହି ଖବର ଶୁଣି ମର୍ମାହତା ନିଜର ବନ୍ଧୁ ତଥା ସହକର୍ମୀ ରୋହତଙ୍କ ମୃତ୍ୟୁ ଖବରକୁ ଆକଳନ କରିପାରି ପାହାନ୍ତି ବୋଲି କହିଛନ୍ତି ।
