ରୋହିବାଙ୍କ ଉଚ୍ଚ ବିଦ୍ୟାଳୟ ଛାତ୍ରୀ ରାଜ୍ୟପାଳଙ୍କ ଦ୍ଵାରା ପୁରସ୍କୃତ

ନୟାଗଡ଼,(ବାଘୁଆବାର୍ତ୍ତା): ସେବା ତଥା ଶୃଙ୍ଖଳା ର ପ୍ରତୀକ ସମଗ୍ର ବିଶ୍ୱର ବୃହତ୍ତମ ଅନୁଷ୍ଠାନ ହେଉଛି ସ୍କାଉଟ ଗାଇଡ । ଦୀର୍ଘ ୩ ବର୍ଷ ଧରି ନିଜର ସେବା ଓ ଶୃଙ୍ଖଳାର ଗୋଟିଏ ପରେ ଗୋଟିଏ ବ୍ୟାଚ ଧାରଣ କରି ସାରିଲା ପରେ ଶେଷରେ ଦିଅନ୍ତି ରାଜ୍ୟ ପୁରସ୍କର ପରୀକ୍ଷା। ରାଜ୍ୟ ପୁରସ୍କାର ପରୀକ୍ଷାରେ ଉତ୍ତୀର୍ଣ୍ଣ ଛାତ୍ର ଛାତ୍ରୀଙ୍କୁ ରାଜ୍ୟପାଳ ଦିଅନ୍ତି ସାର୍ଟିଫିକେଟ । ଆଜି ଥିଲା ଓଡ଼ିଶା ଭାରତ ସ୍କାଉଟ ଗାଇଡ ରାଜ୍ୟ ପୁରସ୍କାର ଉତ୍ସବ । ପ୍ରତି ଜିଲ୍ଲା ଭଳି ନୟାଗଡ଼ ଜିଲ୍ଲାର ୨ ଜଣ କବ ଓ ବୁଲ ବୁଲ ଏବଂ ୨ ଜଣ ସ୍କାଉଟ ଓ ଗାଇଡ ନୟାଗଡ଼ ଜିଲ୍ଲା ତରଫରୁ ରାଜ୍ୟପାଳଙ୍କଠାରୁ ପୁରସ୍କାର ଗ୍ରହଣ କରିଥିଲେ । ସେମାନେ ହେଲେ କବ୍ ବିଭାଗରୁ ଆଶୁତୋଷ ପରିଡ଼ା ଯେକି କଳିଙ୍ଗ ଭାରତୀ ବିଦ୍ୟାନିକେତନ କନ୍ଧ ନୟାଗଡ ରଣପୁର ଛାତ୍ର, ବୁଲବୁଲ୍ ତରଫରୁ କେଏସବି ପବ୍ଲିକ ସ୍କୁଲ ଶରଣକୁଳ ଛାତ୍ରୀ ପ୍ରୀତି ପ୍ରିୟଦର୍ଶନୀ, ସ୍କାଉଟ ତରଫରୁ ରାମଚନ୍ଦ୍ର ଉଚ୍ଚ ବିଦ୍ୟାଳୟ ଖଣ୍ଡପଡ଼ାରୁ ସାଇ ପ୍ରସାଦ ସିଂ ସାମନ୍ତ ଓ ଗାଇଡ ତରଫରୁ ସରକାରୀ ଉଚ୍ଚ ବିଦ୍ୟାଳୟ ରୋହିବାଙ୍କ ଛାତ୍ରୀ ସ୍ଵପ୍ନାରାଣୀ ପ୍ରଧାନ । ଏତଦ୍ ବ୍ୟତୀତ ନୟାଗଡ ଜିଲ୍ଲାରୁ କବ ବୁଲବୁଲ ବିଭାଗରୁ ମୋଟ ୯୭ ଜଣ ଓ ସ୍କାଉଟ ଗାଇଡ ବିଭାଗରୁ ମୋଟ ୭୮୮ ଜଣ ଛାତ୍ର ଛାତ୍ରୀ ସାର୍ଟିଫିକେଟ ମଧ୍ୟ ପାଇଛନ୍ତି। ସମସ୍ତ ଛାତ୍ରଛାତ୍ରୀଙ୍କୁ ଓଡ଼ିଶା ବିଧାନସଭା ବାଚସ୍ପତି ସୁରମା ପାଢ଼ୀ, ଖଣ୍ଡପଡ଼ା ବିଧାୟକ ଦୁଷ୍ମନ୍ତ ସ୍ୱାଇଁ, ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲ, ଜିଲ୍ଲା ଶିକ୍ଷା ଅଧିକାରୀ ଚିତ୍ତ ରଂଜନ ପାଣ୍ଡେ, ଆଇ ଇ ପି ଅନିଲ କୁମାର ମିଶ୍ର ଶୁଭେଛା ଓ ଅଭିନନ୍ଦନ ଜଣାଇଛନ୍ତି।