ନୂଆଦିଲ୍ଲୀ, (ବାଘୁଆବାର୍ତ୍ତା): ମଣିଷକୁ ହତ୍ୟା କରିଛି ରୋବୋଟ୍ । ଖବରଟି ଆଶ୍ଚର୍ଯ୍ୟ ଲାଗୁଥିଲେ ବି ସତ୍ୟ । ବର୍ତ୍ତମାନ ପରିସ୍ଥିତିରେ ମନୁଷ୍ୟଙ୍କ ପାଇଁ ଏକ ବଡ଼ ସମସ୍ୟା ହୋଇ ଠିଆ ହୋଇପାରନ୍ତି ଯୁଦ୍ଧ ରୋବୋଟ୍ । ଆଫ୍ରିକାର ଅଶାନ୍ତ ଦେଶ ଲିବିଆରେ କିଲର ରୋବୋଟ୍ ତାର ପ୍ରଥମ ହତ୍ୟା କରିଛି । ତାହା ପୁଣି ମଣିଷର ବିନା ନିୟନ୍ତ୍ରଣରେ । ସୂଚନାନୁସାରେ, ଏକ ସ୍ୱାଧିନ କିଲର ଡ୍ରୋନ୍ ଲିବିଆରେ ବିନା କୌଣସଣି ମନୁଷ୍ୟର ନିୟନ୍ତ୍ରଣରେ ତାର ଶିକାର ଖୋଜି ହତ୍ୟା କରିଛି । ୨୦୧୯ରେ ଜାତିସଂଘରେ କିଲର ରୋବୋଟକୁ ନେଇ ଏକ ପ୍ରସ୍ତାବ ଉପସ୍ଥାପନା ହୋଇଥିଲା । ତୀବ୍ର ବିରୋଧ ହେବାରୁ ୨୦୨୦ରେ ଭୋଟିଂ କରାଯାଇ ଏହାକୁ ଖାରଜ୍ କରାଯାଇଥିଲା । ୨୦୨୧ ମାର୍ଚ୍ଚ ମାସରେ ଜାତିସଂଘରୁ ଆସିଥିବା ଏକ ରିପୋର୍ଟ ରେ, ୨୦୨୦ରେ ଲିବିଆରେ କାର୍ଗୋ-୨ ନାମକ ଏକ କିଲର ଡ୍ରୋନ୍ ହତ୍ୟା କରିଛି । ଡ୍ରୋନକୁ ତୁର୍କିସ୍ ମିଲିଟ୍ରି ଟେକ୍ନୋଲୋଜି କଂପାନୀ ଏସଟିଏମ୍ ନିର୍ମାଣ କରିଛି । ଏହି ରୋବୋଟ୍ ନିଜ ଶିକାର ନିଜେ ଖୋଜି ହତ୍ୟା କରିଥାଏ । ରୋବୋଟ୍ ଡ୍ରୋନ ଜଣେ ମିଲିଟ୍ରି କମାଣ୍ଡରଙ୍କ ଉପରେ ଆକ୍ରମଣ କରିଥିବା ଜଣାପଡିଛି ।
