ନୟାଗଡ଼,(ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ସଦରଥାନା ଅନ୍ତର୍ଗତ ଆଦିବାସୀ ଅଧୂଷିତ ମାଳିସାହି ଏବଂ ଢେଙ୍କେଣା ପଞ୍ଚାୟତରେ ସୃଷ୍ଟି ହୋଇଥିବା ସମସ୍ୟାକୁ ଆଜି ଜିଲ୍ଲା ପ୍ରଶାସନ ସମାଧାନ କରିଛି । ଜିଲ୍ଲାପାଳ ଡ. ପୋମା ଟୁଡୁଙ୍କ ଅଧ୍ୟକ୍ଷତାରେ ୧୭ ଖଣ୍ଡ ମୈାଜାବାସୀ ଏବଂ ଗୁଡ଼ୁପାଙ୍ଗୀ ଗ୍ରାମବାସୀଙ୍କ ମଧ୍ୟରେ ବୈଠକ ଜିଲ୍ଲାପାଳଙ୍କ ସଭାଗୃହରେ ଅନୁଷ୍ଠିତ ହୋଇଥିଲା । ଏହି ବୈଠକରେ ଆରକ୍ଷୀ ଅଧିକ୍ଷକ ସିଦ୍ଧାର୍ଥ କଟାରିଆ, ବନଖଣ୍ଡ ଅଧିକାରୀ ଧନରାଜ୍ ଏଚ୍.ଡି, ଉପଜିଲ୍ଲାପାଳ ଲଗ୍ନଜିତ ରାଉତ, ଏସ୍ଡିପିଓ ଶୁଭେନ୍ଦୁ ସିହ୍ନା ପ୍ରମୂଖ ଉପସ୍ଥିତ ରହି ସମସ୍ୟା ସମ୍ପର୍କରେ ଆଲୋଚନା କରିଥିଲେ । ଆଲୋଚନା ମାଧ୍ୟମରେ ରାସ୍ତା ସମସ୍ୟାର ସମାଧାନ ହୋଇଛି । ବଳଭଦ୍ରପୁର ଗ୍ରାମ ଦେଇ ରହିଥିବା ରାସ୍ତା ଛାଡ଼ିବାକୁ ଗୁଡ଼ୁପାଙ୍ଗୀ ଗ୍ରାମବାସୀ ରାଜି ହୋଇଥିବା ବେଳେ ୭ ଖଣ୍ଡ ଗ୍ରାମବାସୀ ବନ୍ଦ କରିଥିବା ଗୁଡ଼ୁପାଙ୍ଗୀ ଗ୍ରାମବାସୀ ଖୋଲିଛନ୍ତି ।
