ରାସ୍ତା ନିର୍ମାଣରେ ବାଧକ ସାଜିଛନ୍ତି ପଡ଼ୋଶୀ ଗ୍ରାମବାସୀ

ନୟାଗଡ଼,(ବାଘୁଆବାର୍ତ୍ତା): ରାସ୍ତା ନିର୍ମାଣରେ ବାଧକ ସାଜିଛନ୍ତି ପଡ଼ୋଶୀ ଗ୍ରାମବାସୀ । ଏଭଳି ଅଭିଯୋଗ ଆଣିଛନ୍ତି ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ରାଧାମୋହନପୁର ଗ୍ରାମର ଲୋକମାନେ । ରାଜସ୍ୱ ଗ୍ରାମର ମାନ୍ୟତା ମିଳିବା ପରେ ୧୯୭୬ ମସିହାରୁ ଗ୍ରାମବାସୀ ରାଧାମୋହନପୁରଠାରୁ ବାଲିଆ ପର୍ଯ୍ୟନ୍ତ ଥିବାକୁ ରାସ୍ତାକୁ ବ୍ୟବହାର କରୁଥିବା ବେଳେ ଏହି ରାସ୍ତାର ଉନ୍ନତୀ ତଥା ନିର୍ମାଣ ପାଇଁ ଟଙ୍କା ମଞ୍ଜୁର ହୋଇଛି । ମାତ୍ର ବାଲିଆ ଗ୍ରାମର କେତେକ ଖଳ ପ୍ରକୃତି ଲୋକ ଉକ୍ତରାସ୍ତା ନିର୍ମାଣରେ ବାଧକ ସାଜୁଛନ୍ତି । ଉପରୋକ୍ତ ରାସ୍ତା ବାଲିଆ ମୋଜାରେ ଥିବାରୁ ସେମାନେ ଏହାକୁ ବିରୋଧ କରୁଛନ୍ତି । ଯାହା ଫଳରେ ରାସ୍ତା ନିର୍ମାଣ ପାଇଁ ବିଭାଗୀୟ ତରଫରୁ ଗଦା ହୋଇଥିବା ବାଲି, ମେଣ୍ଟାଲ, ଚିପ୍ସ ଇତ୍ୟାଦି ପଡ଼ି ରହି ନଷ୍ଟ ହେଉଥିବା ଅଭିଯୋଗ ହୋଇଛି । ରାସ୍ତା ନିର୍ମାଣ ହୋଇପାରୁ ନଥିବାରୁ ଗ୍ରାମବାସୀମାନେ ଅତ୍ୟନ୍ତ ହଇରାଣ ହେଉଥିବା ଜଣାପଡ଼ିଛି । ଏହି ବିବାଦକୁ ଶାନ୍ତି ପୂର୍ଣ୍ଣ ଉପାୟରେ ସମାଧାନ କରାଇ ରାସ୍ତା ନିର୍ମାଣ ନିମନ୍ତେ ପଦକ୍ଷେପ ନେବାକୁ ସେମାନେ ଦାବି କରିଛନ୍ତି ।