ଓଡ଼ଗାଁ, (ବାଘୁଆବାର୍ତ୍ତା) ମଣ୍ଡଳ ଶିକ୍ଷା କାର୍ଯ୍ୟାଳୟ ଓ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଓଡ଼ଗାଁ ଙ୍କ ତରଫରୁ ଅତିରିକ୍ତ ମଣ୍ଡଳ ଶିକ୍ଷା ଅଧିକାରୀ ତଥା MDM NODAL OFFICER ଶ୍ରୀଯୁକ୍ତ ସଦାଶିବ ପାତ୍ର ମହୋଦୟ ଆଜି ସରକାରୀ କର୍ମମୟ ଜୀବନ ରୁ ଅବସର ଗ୍ରହଣ କରିଛନ୍ତି। ମଣ୍ଡଳ ଶିକ୍ଷା ଅଧିକାରୀ ଡ଼ଃ ବସନ୍ତ କୁମାର ନାୟକ ଙ୍କ ସଭାପତିତ୍ବରେ ଆୟୋଜିତ ଅବସରକାଳୀନ ସମ୍ବର୍ଦ୍ଧନା ଉତ୍ସବ ରେ ଅତିରିକ୍ତ ମଣ୍ଡଳ ଶିକ୍ଷା ଅଧିକାରୀ ଭାଗ୍ୟଲତା ଦାଶ, ବନବିହାରୀ ପାତ୍ର ,ବରିଷ୍ଠ କିରାଣି ହାଡ଼ୁବନ୍ଧୁ ନାୟକ, ଅବସରପ୍ରାପ୍ତ ଅତିରିକ୍ତ ମଣ୍ଡଳ ଶିକ୍ଷା ଅଧିକାରୀ ଦ୍ଵିଜରାଜ ନାୟକ ଓ ସରକାରୀ ପ୍ରାଥମିକ ବିଦ୍ୟାଳୟ ଓଡ଼ଗାଁ ର ପ୍ରଧାନ ଶିକ୍ଷିକା ସଞ୍ଜୁକ୍ତା କୁମାରୀ ଦେଈ ମଞ୍ଚାସୀନ ଥିଲେ। ସମସ୍ତ ଆଞ୍ଚଳିକ ସାଧନକେନ୍ଦ୍ର ସଂଯୋଜକ ଓ ମଣ୍ଡଳ ଶିକ୍ଷା କାର୍ଯ୍ୟାଳୟ ର ସମସ୍ତ କର୍ମଚାରୀ ଶ୍ରୀଯୁକ୍ତ ପାତ୍ରଙ୍କ ଗୁଣଗାନ କରିଥିଲେ ଏବଂ ଉପଢୌକନ, ପୁଷ୍ପଗୁଛ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ।ଶ୍ରୀଯୁକ୍ତ ପାତ୍ର ଜଣେ ଶିକ୍ଷକ ପ୍ରେମୀ ଓ ଛାତ୍ର ବତ୍ସଳ ଥିଲେ। ବିଦ୍ୟାଳୟ ର ଯେ କୋୖଣସି ସମସ୍ୟା ଉପୁଜିଲେ ଚତୁରତାର ସହ କ୍ଷଣିକ ମଧ୍ୟରେ ତା’କୁ ସମାଧାନ କରିବାରେ ସେ ଧୁରୀଣ ଥିଲେ। ସଭାପତି ନିଜ ଭାଷଣରେ ଯେକୌଣସି କାର୍ଯ୍ୟ କରିବାବେଳେ ଧୈର୍ଯ୍ୟ, ଉପସ୍ଥିତ ବୁଦ୍ଧି ଓ ସତ୍ୟ ଉପରେ ଆଧାରିତ କରି କାର୍ଯ୍ୟ କଲେ ସୁଫଳ ମିଳିଥାଏ ବୋଲି କହି ଗୀତା ରେ ଶ୍ରୀକୃଷ୍ଣ ଙ୍କ ମୁଖ ନିଃସୃତ କିଛି ବାଣୀ ରୁ ନିଜ କର୍ମମୟ ଜୀବନ ରେ ପ୍ରୟୋଗ କରିବାପାଇଁ ପରାମର୍ଶ ଦେଇଥିଲେ। ଇତ୍ୟବସରରେ ନୂତନ ଭାବରେ ଯୋଦେଇଥିବା ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଲଳିତ ମୋହନ ମିଶ୍ର ଓ ହଟନାଥ ପ୍ରଧାନ ଙ୍କୁ ମଣ୍ଡଳ ଶିକ୍ଷା କାର୍ଯ୍ୟାଳୟ ର ଏବଂ ସମସ୍ତ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ପୁଷ୍ପ ଗୁଚ୍ଛ ଦେଇ ସ୍ୱାଗତ ଜଣାଇଥିଲେ। ପରିଶେଷରେ ସଭିଙ୍କୁ ଧନ୍ୟବାଦ ଦେଇ ସଭା ସାଙ୍ଗ କରାଗଲା।
