ନୟାଗଡ଼,(ବାଘୁଆବାର୍ତ୍ତା): ଥାନା ଭିତରେ ପଶି ଦୁଇଜଣ ଅଭିଯୋଗକାରୀକୁ ହାଣିଲେ ଦୁବୃତ୍ତ । ଏକାଥରକେ ୧୫୦ ଦୁବୃତ୍ତ ଥାନା ଭିତରକୁ ଧସେଇ ପଶି ଦୁଇ ଅଭିଯୋଗକାରୀଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଛନ୍ତି । ଏଭଳି ଜଘନ୍ୟ ଘଟଣା ଘଟିଯାଇଛି ବାଲେଶ୍ୱର ଜିଲ୍ଲାରେ । ସୂଚନାନୁସାରେ, ବାଲୋଶ୍ୱର ଜିଲ୍ଲା ରେମୁଣା ଥାନା ଅଞ୍ଚଳରେ ବେଆଇନ୍ ବାଲି ଚାଲାଣକୁ ନେଇ ହୋଇଥିବା ଅଭିଯୋଗକୁ କେନ୍ଦ୍ର କରି ଏଭଳି ଘଟଣା ଘଟିଛି । ଥାନା ପରିସରରେ ପୁଲିସ ଉପସ୍ଥିତିରେ ପ୍ରାୟ ୧୫୦ ଲୋକ ସଂଘବଦ୍ଧ ଭାବେ ଥାନା ଭିତରକୁ ଧସେଇ ପଶିଥିଲେ । ଥାନାକୁ ଅଭିଯୋଗ କରିବାକୁ ଯାଇଥିବା ଦୁଇ ବ୍ୟକ୍ତିଙ୍କୁ ଧାରୁଆ ଅସ୍ତ୍ରରେ ହାଣିଥିବା ନେଇ ଜଣାପଡିଛି । ତେବେ ଥାନା ପରିସରରେ ଲାଗିଥିବା ସିସିଟିଭି ଫୁଟେଜକୁ ଆଧାର କରି ରେମୁଣା ପୁଲିସ ତଦନ୍ତ ଆରମ୍ଭ କରିଛି । ଥାନା ପରିସରରେ ଏଭଳି ଘଟଣା ଘଟିଥିବା ନେଇ ଉତ୍ତେଜନା ଦେଖା ଦେଇଥିବାରୁ ଥାନା ପରିସରରେ ୨ପ୍ଲାଟୁନ୍ ଫୋର୍ସ ମୁତୟନ କରାଯାଇଛି ।
