କଟକ, (ବାଘୁଆବାର୍ତ୍ତା): ରିମାଣ୍ଡରେ ନାଇଜେରୀୟ ଜେଜେ ରେମଣ୍ଡ । ବ୍ଲାକମେଲ୍ ଯୋଗୁଁ ଆତ୍ମହତ୍ୟା ମାମଲାରେ ନାଇଜେରୀୟ ଜେଜେ ରେମଣ୍ଡଙ୍କୁ ୫ ଦିନିଆ ରିମାଣ୍ଡରେ ନେଲା ପୋଲିସ । ଶତାଧିକ ବ୍ଲାକମେଲ୍ ଘଟଣାର ଛାନ୍ଭିନ୍ କରି ପୋଲିସ । ଖବର ଅନୁଯାୟୀ, କଟକ ଦରଘାବଜାର ଥାନା ଅଞ୍ଚଳରେ ଜଣେ ମହିଳା ଡାକ୍ତର ବ୍ଲାକ୍ମେଲ୍ ଜାଲରେ ଛନ୍ଦି ଆତ୍ମହତ୍ୟା କରିଥିଲେ। ପୋଲିସ ଘଟଣାର ତଦନ୍ତ କରି ଦିଲ୍ଲୀରୁ ଅଭିଯୁକ୍ତ ନାଇଜେରୀୟ ସାଇବର ଠକକୁ ଗିରଫ କରିଥିଲା । ଗିରଫ ପରେ ଅଭିଯୁକ୍ତକୁ କୋର୍ଟରେ ହାଜର କରାଯାଇଥିଲା । କୋର୍ଟ ମାମଲାର ଶୁଣାଣି କରି ଜେଜେ ରେମଣ୍ଡକୁ ୫ ଦିନିଆ ରିମାଣ୍ଡରେ ନେଇଛି ପୋଲିସ । ରିମାଣ୍ଡ ସମୟରେ ପୋଲିସ ଆର୍ଥିକ କାରବାର ନେଇ ଜେରା କରିବା ସହ ଏହି ଲିଙ୍କରେ ଆଉ କିଏ କିଏ ସାମିଲ ଅଛନ୍ତି । ସେନେଇ ଅଧିକ ତଥ୍ୟ ହାସଲ ପାଇଁ ପ୍ରୟାସ ଜାରି ରଖିଛି ଦରଘାବଜାର ଥାନା ପୋଲିସ ।
