ନୂଆଦିଲ୍ଲୀ, (ବାଘୁଆବାର୍ତ୍ତା): ୧୯ ବର୍ଷର ରେକର୍ଡ ଭାଙ୍ଗି ବିଶ୍ୱ ଚେସରେ ନୂଆ ଇତିହାସ ଚରିଲେ ୧୨ବର୍ଷୀୟ ଯୁବକ ଅଭିମନ୍ୟୁ । ସର୍ବକନିଷ୍ଠ ଗ୍ରାଣ୍ଡ ମାଷ୍ଟର ହୋଇ ଭାଙ୍ଗିଲେ ୧୯ ବର୍ଷର ରେକର୍ଡ । ସେ ଆମେରିକାର ଭାରତୀୟ ବଂଶଦ୍ଭବ ପରିଚିତ ଅଭିମନ୍ୟୁ ମିଶ୍ର । ୧୨ବର୍ଷ ୪ମାସ ୨୫ ଦିନରେ ଗ୍ରାଣ୍ଟମାଷ୍ଟର ହେବାର ଗୌରବ ଅର୍ଜନ କରିପାରିଛନ୍ତି ଅଭିମନ୍ୟୁ । ପୂର୍ବରୁ ୟୁକ୍ରେନର ସର୍ଜେ କାରଜାକିନଙ୍କ ନାମରେ ଏହି ରେକର୍ଡ ଥିଲା । ୧୯୯୦ ମସିହାରେ ୧୨ ବର୍ଷ ୭ମାସରେ ଗ୍ରାଷ୍ଟମାଷ୍ଟର ହୋଇଥିଲେ ସର୍ଜେ କାରଜାକିନ୍ । ତାଙ୍କର ଏହି ରେକର୍ଡକୁ ଅଭିମନ୍ୟୁ ମାତ୍ର ୧୨ବର୍ଷ ୪ମାସ ୨୫ଦିନରେ ଭାଙ୍ଗି ଇତିହାସ ରଚିଛନ୍ତି । ବୁଦେପେଣ୍ଟରେ ଚାଲିଥିବା ଜିଏମ୍ ଟୁର୍ଣ୍ଣାମେଣ୍ଟରେ ଅଭିମନ୍ୟୁ ଭାରତୀୟ ଜିଏମ୍ ଲିଓନ ମେଣ୍ଡନକାଙ୍କୁ ପରାଜିତ କରି ତୃତୀୟ ଜିଏମ୍ ନର୍ମ ହାସଲ କରିଥିଲେ । ମାର୍ଚ୍ଚ ମାସରେ ୨୪ଶହ ପଏଣ୍ଟ ଅତିକ୍ରମ କରି ପାରିଛନ୍ତି । ଟୁର୍ଣ୍ଣାମେଣ୍ଟ ପୂର୍ବରୁ ସେ ୧୦୦ଇଏଲଓ ପଏଣ୍ଟ ଓ ତୃତୀୟ ଜିଏମ୍ ନର୍ମ ଆବଶ୍ୟକ କରୁଥିଲେ । ଭାରତୀୟ ବଂଶଦ୍ଭବ ହୋଇ ନ୍ୟୁଜର୍ସିରୁ ପ୍ରତିନିଧିତ୍ୱ କରୁଛନ୍ତି ଅଭିମନ୍ୟୁ ମିଶ୍ର ।
