ବଡ଼ରାଉଳଙ୍କ ପୀଠରେ ପୂଜାର୍ଚ୍ଚନା

ରଥକାଠ ସଂଗ୍ରହ ଆରମ୍ଭ

ନୟାଗଡ଼, (ବାଘୁଆବାର୍ତ୍ତା): ମହାପ୍ରଭୃ ଜଗନ୍ନାଥଙ୍କ ପବିତ୍ର ରଥଯାତ୍ରା ପାଇଁ ରଥ ନିର୍ମାଣ ନିମନ୍ତେ କାଠ ସଂଗ୍ରହ କରାଯିବା ପାଇଁ ଗତକାଲି ନୟାଗଡ଼ରେ ମହାପ୍ରଭୃଙ୍କ ଆଜ୍ଞାମାଳ ପହଂଚିଥିଲା । ଏହି ନୟାଗଡ ଜିଲ୍ଲା ଗଣିଆ ବଡମୂଳ ସ୍ଥିତ ମା’ ବଡରାଉଳ ଠାକୁରାଣୀଙ୍କ ପୀଠରେ ରଥକାଠ କାଟିବା ପାଇଁ ପୂଜାର୍ଚ୍ଚନା ଅନୁଷ୍ଠିତ ହୋଇଯାଇଛି । ଗତକାଲି ଶ୍ରୀ ମନ୍ଦିର ପ୍ରଶାସନ ପକ୍ଷରୁ ଆସିଥିବା ୪ ଜଣିଆ ପ୍ରତିନିଧି ଦଳ ମହାପ୍ରଭୂ ଶ୍ରୀ ଜଗନ୍ନାଥଙ୍କ ଆଜ୍ଞାମାଳ, ମାହାର୍ଦ୍ଦ ଓ ପାଟପତନିଧରି ପୂର୍ବାହ୍ନ ପ୍ରାୟ ସାଢେ ୧୧ ଟାରେ ଶ୍ରୀ ମନ୍ଦିର ପ୍ରଶାସନ ପକ୍ଷରୁ ରଥ ତତ୍ତ୍ୱାବଧାରକ ସୁଦର୍ଶନ ମେକାପ, ନନ୍ଦିଘୋଷ ରଥ ମୁଖ୍ୟ ବିଶ୍ୱକର୍ମା ବିଜୟ ମହାପାତ୍ର, ରଥ ଅମିନ ଲକ୍ଷ୍ମଣ ମହାପାତ୍ର ଏବଂ ଭୋଇ ସର୍ଦ୍ଦାର ରବିଭୋଇ ମା’ ବଡ ରାଉଳଙ୍କ ପୀଠରେ ପହଁଚିବା ପରେ ଘଂଟଘଟା ସହ ବିଶାଳ ସଂକୀର୍ତନ ଶୋଭାଯାତ୍ରା କରାଯାଇଥିଲା । ପରେ ଏସବୁ ଆଜ୍ଞାମାଳ ବନଖଣ୍ଡ ଅଧିକାରୀ ଧନରାଜ୍ ଏଚ୍.ଡି ଏବଂ ଦଶପଲ୍ଲା ବନାଚଂଳ ଅଧିକାରୀ ସୋମନାଥ ନାୟକଙ୍କୁ ସମର୍ପି ଥିଲେ । ଏହାପରେ ମା’ଙ୍କ ଠାରେ ଲାଗି କରାଯାଇ ପୂଜାର୍ଚ୍ଚନା କରାଯାଇଥିଲା । ହୋମଯଜ୍ଞ ସହ ମା’ ଙ୍କ ପୀଠରେ ନାନାଦି ଭୋଗ ଲାଗି କରାଯାଇଥିଲା । ଶେଷରେ ପୁରୀରୁ ଆସିଥିବା ଏହି ପ୍ରତିନିଧି ଦଳ ମା ଙ୍କୁ କାଠ କାଟିବା ପାଇଁ ଅନୁମତି ମାଗି ଫେରି ଯାଇଛନ୍ତି ।