ଭୁବନେଶ୍ୱର, (ବାଘୁଆବାର୍ତ୍ତା): ମଜ୍ଜା ନେବା ମହଙ୍ଗା ହେଲା । ମଜ୍ଜାରେ କରିବା ପାଇଁ ମଦ ସେବନ କରିଥିଲେ । ପୁରୁଷ ବନ୍ଧୁଙ୍କୁ ନିଜ ଘରକୁ ଡାକି ଘର ଭିତରେ ମଦ ପାର୍ଟି କରିଥିବା ବେଳେ ମହଙ୍ଗା ପଡିଛି ଯୁବତୀଙ୍କୁ । ଅତ୍ୟଧିକ ମଦ ସେବନ କରି ନିଶାରେ ବେହୋସ ହୋଇଥିବା ଯୁବତୀ ଜଣଙ୍କୁ ତାଙ୍କର ପୁରୁଷ ବନ୍ଧୁ ଦୁଷ୍କର୍ମ କରି ସର୍ବନାଶ କରିଛି । ଯାହାଫଳରେ ଯୁବତୀ ଜଣକ ଲୋକ ଲଜ୍ଜ୍ୟା ଭୟ କରି ଘର ଭିତରେ ଆତ୍ମହତ୍ୟା କରିଛି । ଏଭଳି ଘଟଣା ଘଟିଛି ଭଦୋଦରା ଅଞ୍ଚଳରେ । ସୂଚନାନୁସାରେ, ଗୁଜୁରାଟ ଭଦୋଦରା ଲକ୍ଷ୍ମୀପୁର ଅଞ୍ଚଳରେ ରହୁଥିବା ଜଣେ ୧୯ବର୍ଷିୟା ଯୁବତୀ କଲେଜରେ ପାଠ ପଢିବା ସହ ଏକ ଘରୋଇ ସଂସ୍ଥାରେ ନିଯୁକ୍ତି ପାଇଥିଲେ । ଯୁବତୀଙ୍କ ମାଆ ୬ମାସ ପୂର୍ବରୁ ଦେହାନ୍ତ ହୋଇଥିବା ବେଳେ ଯୁବତୀ ଜଣକ ଘର ଭଡା ନେଇ ଏକାକି ରହୁଥିଲେ । ଦୁଇ ଦିନ ତଳେ ଯୁବତୀ ଜଣକ ନଜର ସହକର୍ମୀ ବନ୍ଧୁଙ୍କୁ ଘରକୁ ଡାକି ମଦ ପାର୍ଟି କରିଥିଲେ । ଯୁବତୀ ଜଣକ ପୁରୁଷ ବନ୍ଧୁଙ୍କ ସହିତ ଅତ୍ୟାଧିକ ମଦ ସେବନ କରି ବେହୋସ ହୋଇଥିବା ବେଳେ ଏହାର ସୁଯୋଗ ନେଇ ପୁରୁଷ ବନ୍ଧୁ ଦିଶାନ୍ତ କାହାର ଯୁବତୀକୁ ଦୁଷ୍କର୍ମ କରି ଫେରାର ହୋଇଯାଇଥିଲା । ଯେତେ ବେଳେ ଯୁବତୀ ଜଣକର ହୋସ୍ ଫେରିଲା ସେ ଜାଣିବାକୁ ପାଇଲା ଯେ, ସେ ଦୁଷ୍କର୍ମର ଶିକାର ହୋଇଛି । ଏହି ଆଘାତ ସହି ନପାରି ନିଜର ବନ୍ଧୁଙ୍କୁ ଫୋନ ମାଧ୍ୟମରେ ଜଣାଇଥିଲା । ବନ୍ଧୁ ଜଣକ ପୁଲିସର ସହାୟତା ନେବାକୁ ପରାମର୍ଶ ଦେଇଥିଲେ ହେଲେ ଲୋକ ଲଜ୍ଜ୍ୟା ଓ ବଦନାମ ହେବାକୁ ଭୟ କରି ଜୀବନ ହାରିଦେଇଥିବା ଜଣାପଡିଛି ।
