୧୬ ବର୍ଷୀୟା ନାବାଳିକାଙ୍କୁ ବଜାରରୁ ଟେକିନେଇ କ୍ଲବ ଘରେ ଦୁଷ୍କର୍ମ ଉଦ୍ୟମ କଲେ ବିବାହିତ ଯୁବକ

ମହାକାଳପଡା, (ବାଘୁଆବାର୍ତ୍ତା): ନାବାଳିକାଙ୍କୁ ଦୁଷ୍କର୍ମ ଉଦ୍ୟମ। ୧୬ ବର୍ଷୀୟା ନାବାଳିକାଙ୍କୁ ବଜାରରୁ ଟେକିନେଇ କ୍ଲବ ଘରେ ଦୁଷ୍କର୍ମ ଉଦ୍ୟମ କଲେ ବିବାହିତ ଯୁବକ। ଉପସ୍ଥିତ ବୁଦ୍ଧି ଯୋଗୁଁ ଖସିଆସିଲେ ନାବାଳିକା। କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକ ଜମ୍ବୁ ସାମୁଦ୍ରିକ ଥାନା ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା। ସୂଚନାନୁଯାୟୀ, କେନ୍ଦ୍ରାପଡା ଜିଲ୍ଲା ମହାକାଳପଡା ବ୍ଲକ ଜମ୍ବୁ ସାମୁଦ୍ରିକ ଥାନା ଅଞ୍ଚଳର ଜଣେ ୧୬ ବର୍ଷୀୟା ନାବାଳିକା କୌଣସି କାମରେ ଗୁରୁବାର ଅପରାହ୍ଣରେ ରାମନଗର ବଜାର ଆସି ଘରକୁ ଫେରୁଥିଲେ। ଏହି ସମୟରେ ବିବି କଲୋନୀ ଗ୍ରାମର କ୍ଲବ ଘର ନିକଟରେ ଉକ୍ତ ଗ୍ରାମର ଜଣେ ବିବାହିତ ଯୁବକ ଦେବୁ ଦାସ ନାବାଳିକାଙ୍କୁ ରାସ୍ତାରୁ ଟେକିନେଇ ଦୁଷ୍କର୍ମ ଉଦ୍ୟମ କରିଥିଲେ। ତେବେ ନାବାଳିକାଙ୍କ ଉପସ୍ଥିତ ବୁଦ୍ଧି ଯୋଗୁଁ ସେଠାରୁ ଖସି ଆସିଥିଲେ। ନାବାଳିକା ଯୁବକଙ୍କ ହାତକୁ କାମୁଡି ପାଟି କରି ସେଠାରୁ ଖସିବାରେ ସକ୍ଷମ ହୋଇଥିଲେ। ତେବେ ଏସମ୍ପର୍କରେ ନାବାଳିକା ଜଣଙ୍କ ଘରେ ପହଞ୍ଚି ତାଙ୍କ ମାଆକୁ ଜଣାଇଥିଲେ। ଏନେଇ ପୀଡିତାଙ୍କ ପରିବାର ପକ୍ଷରୁ ଜମ୍ବୁ ସାମୁଦ୍ରିକ ଥାନାରେ ଲିଖିତ ଅଭିଯୋଗ କରାଯାଇଛି। ପୋଲିସ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିବା ପାଇଁ ବିଭିନ୍ନ ସ୍ଥାନରେ ଚଢାଉ ଆରମ୍ଭ କରିଛି । ଏହି ଘଟଣା ପ୍ରଚାର ପରେ ଗାଁରେ ଉତୋଜନା ପ୍ରକାଶ ପାଇଛି।