ସମ୍ବଲପୁର, (ବାଘୁଆବାର୍ତ୍ତା): ଘରକୁ ଆସିଲେ । ବିବାହ ପ୍ରତିଶ୍ରୁତି ଦେଇ ନେଇଗଲେ । ପରେ ପରିବାର ଲୋକେ ସେଠାରୁ ଚାଲିଗଲେ । ମହିଳାଙ୍କୁ କୋଭିଡ୍ ଆଳ ଦେଖାଇ ଦୁଷ୍କର୍ମ କଲା ଯୁବକ । ଶେଷରେ ମହିଳାଙ୍କୁ ଘରେ ଏକା ଛାଡ଼ି ଦେଇ ଯୁବକ ଫେରାର୍ ହୋଇଗଲା । ଏବେ ସେ ବିବାହିତ ବୋଲି ଜାଣିବା ପରେ ମହିଳା ଘରକୁ ଗଲେ । ଶେଷରେ ନିରୂପାୟ ହୋଇ ଯୁବତୀଜଣଙ୍କ ଥାନାର ଦ୍ୱାରସ୍ଥ ହେଲେ। ଏଭଳି ଏକ ଘଟଣା ଘଟିଛି ଗୋବିନ୍ଦପୁର ଥାନା ଅଞ୍ଚଳରେ। ଏନେଇ ଗୋବିନ୍ଦପୁର ପୁଲିସ୍ ଏକ ଦୁଷ୍କର୍ମ ମାମଲା ରୁଜୁ କରି ଘଟଣାର ଛାନ୍ଭିନ୍ କରୁଛି । ଅଭିଯୋଗ ଅନୁସାରେ, ଗତ ଜାନୁଆରି ମାସରେ ଯୁବତୀ ଜଣଙ୍କ ତାଙ୍କ ଘରେ ଥିବା ବେଳେ ପରିଚିତ ଠେଲକୋଲୋଇ ଥାନା ଅଞ୍ଚଳର ଜଣେ ଯୁବକ, ତାଙ୍କ ଭିଣୋଇଙ୍କ ସମ୍ପର୍କୀୟ ସେଠାକୁ ଆସିଥିଲେ ।ଯୁବତୀଙ୍କୁ ଉକ୍ତ ଯୁବକ ବିବାହ କରିବେ ବୋଲି ପ୍ରତିଶ୍ରୁତି ଦେଇଥିଲେ । ଉଭୟ ପକ୍ଷର ସହମତି ପରେ ବିବାହ ସ୍ଥିର ହୋଇଥିଲା । ଏହାପରେ ସେମାନେ ଯୁବତୀଙ୍କୁ ନେଇ ଝାରସୁଗୁଡ଼ା ଜିଲ୍ଲା ମଝାପତ୍ରାକୁ ନେଇ ଯାଇଥିଲେ । କିନ୍ତୁ ଉଭୟଙ୍କର ବିବାହ କରିନଥିଲେ । ଲକ୍ଡାଉନ୍ ଥିବାରୁ ବିବାହ କରିବା ସମ୍ଭବ ହେଉନଥିବା କହିଥିଲେ । ଯୁବକଙ୍କ ସହ ଯୁବତୀ ଗୋଟିଏ ରୁମ୍ରେ ରହୁଥିଲେ ହେଁ ବିବାହ ପୂର୍ବରୁ ଶାରୀରିକ ସମ୍ପର୍କ ରଖିବାକୁ ମନା କରିଥିଲେ । କିନ୍ତୁ ଯୁବକଜଣଙ୍କ ବଳପୂର୍ବକ ତାଙ୍କ ସହ ଶାରୀରିକ ସମ୍ପର୍କ ରଖିଥିଲେ ଓ ଲୋକଲଜ୍ଜା ଦେଖି ଘଟଣା ସମ୍ପର୍କରେ କାହାକୁ କିଛି କହିପାରିନଥିଲେ । ଶେଷରେ ଯୁବକର ନିର୍ୟାତନା ଆରମ୍ଭ ହେଲା । ମାରପିଟ୍ କରିବା ସହ ଠିକ୍ରେ ଖାଦ୍ୟ ବି ଦେଉନଥିଲେ । ନିର୍ୟାତନା ଅସହ୍ୟ ହେବାରୁ ଯୁବତୀଜଣଙ୍କ ସେଠାରୁ ତାଙ୍କ ବାପ ଘରକୁ ଫେରି ଯାଇଥିଲେ । ଫୋନ୍ରେ ଉଭୟେ କଥାବାର୍ତ୍ତା ବି ହେଉଥିଲେ । କିନ୍ତୁ ଏବେ ଯୁବକଜଣଙ୍କ ବିବାହିତ ବୋଲି ଜଣାପଡ଼ିବା ପରେ ଯୁବତୀଜଣଙ୍କ ଥାନାର ଦ୍ୱାରସ୍ଥ ହୋଇଛନ୍ତି ।
ବିବାହ ପ୍ରତିଶ୍ରୁତି ଦେଇ ଯୁବତୀଙ୍କୁ ନେଇଥିଲା ଯୁବକ, ଭଡ଼ା ଘରେ କଲା ବଳପୂର୍ବକ ଦୁଷ୍କର୍ମ
