ଗୁରୁଗ୍ରାମ, (ବାଘୁଆବାର୍ତ୍ତା): ମହିଳାଙ୍କୁ ଗଣଦୁଷ୍କର୍ମ । ଜଣେ ବିବାହିତା ମହିଳାଙ୍କୁ ଅପହରଣ କରି ନେଇ ୯ଦିନ ଧରି ୪ଜଣ ଲୋକ କରିଛନ୍ତି ନୃଶଂସକାଣ୍ଡ । ଫରିଦାବାଦ, ବଲ୍ଲଭଗଡ଼ରେ ଉକ୍ତ ଘଟଣାଟି ସାମନାକୁ ଆସିଛି। ପୁଲିସ୍ ସୋମବାର ଦିନ କହିଛି ଦୋଷୀଙ୍କୁ ଏବେ ସୁଦ୍ଧା ଗିରଫ କରାଯାଇ ପାରି ନାହିଁ । ଦୁଷ୍କର୍ମକାରୀମାନେ ୯ଦିନ ପରେ ମହିଳାଙ୍କୁ ଛାଡ଼ି ଦେଇଥିଲେ । ଏହାପରେ ସେ ନିଜ ପରିବାର ସଦସ୍ୟଙ୍କୁ ଏହି ଘଟଣା ବିଷୟରେ କହିଥିଲେ । ପୀଡ଼ିତା ମହିଳା ୧୦ଜୁଲାଇରେ ପୁଲିସ୍ରେ ଏତଲା ଦେଇଥିଲେ । ସେ ନିଜର ଅଭିଯୋଗରେ କହିଥିଲେ କି ତାଙ୍କ ଗାଁର ଚିଣ୍ଟୁ ନାମକ ଜଣେ ଯୁବକ ତାଙ୍କୁ ୩୦ଜୁନ୍ରେ ତାଙ୍କ ଗାଁ ସ୍ଥିତ ଏକ ମନ୍ଦିର ପାଖରେ ଭେଟିବାକୁ କହିଥିଲା । ଯେବେ ମହିଳା ସେଠାରେ ପହଞ୍ଚିଲେ ଚିଣ୍ଟୁ ସେଠାରେ ଥିଲା । ଏହାପରେ ନ ନାମକ ଅନ୍ୟ ଜଣେ ଯୁବକ କାର୍ରେ ଆସି ସେଠାରେ ପହଞ୍ଚିଥିଲା , ମହିଳାଙ୍କୁ ସେମାନେ ବଳପୂର୍ବକ ଫରିଦାବାଦ ନେଇଗଲେ। ଏହି ସମୟରେ ମହିଳା ଜଣକ ତାଙ୍କୁ ପାଣି ପିଇବାକୁ ମାଗିଥିଲେ । ସେମାନେ ତାଙ୍କୁ ନିଶା ଜିନିଷ ମିଶା ପାଣି ପିଆଇ ଦେଇଥିଲେ ଏବଂ ସେ ବେହୋସ ହୋଇ ଯାଇଥିଲେ । ଯେବେ ତାଙ୍କର ହୋସ୍ ଆସିଲା, ସେ ନିଜକୁ ଏକ ରୁମ୍ରେ ବନ୍ଦୀ ଭାବେ ଥିବାର ପାଇଲେ ବୋଲି ପୁଲିସ୍କୁ ପୀଡ଼ିତା କହିଛନ୍ତି। ମଦ ନିଶାରେ ବାପା ସାଜିଲେ ସଇତାନ । ୬ବର୍ଷର ନିରୀହ ଝିଅକୁ ପିଟୁ ଥିଲେ, ଭିଡ଼ିଓ ସାମନାକୁ ଆସିବା ପରେ ପୁଲିସ୍ର କାର୍ୟ୍ୟାନୁଷ୍ଠାନ ନିଆଯାଇଥିଲା । ଏହାପରେ ରାତିରେ ଆଉ ଦୁଇଜଣ କୁଳଦୀପ ଓ ଦୀପକ ନାମକ ଯୁବକ ରୁମ୍କୁ ଆସିଲେ । ସମସ୍ତେ ମିଶି ଜଣକ ପରେ ଜଣେ ମହିଳାଙ୍କୁ ଗଣଦୁଷ୍କର୍ମ କରିଥିଲେ । ନିଶା ଇଞ୍ଜେକ୍ସନ ଦେଇ ୯ଦିନ ଯାଏ ଏମିତି ସଏହି ୪ ଜଣ ରାକ୍ଷସ ବିବାହିତ ମହିଳାଙ୍କୁ ଯୌନ ଶୋଷଣ କରିଥିଲେ । ଏହି କାହାଣୀ ଏତିକିରେ ସରିନଥିଲା । ସେମାନେ ଏହାର ଏକ ଆପତ୍ତିଜନକ ଭିଡ଼ିଓ କି କରିଥିଲେ ଏବଂ କାହାକୁ କହିଲେ ଏହାର ପରିଣାମ ଭୟଙ୍କର ହେବ କହି ଧମକ ଦେଇଥିଲେ । ମହିଳାଙ୍କୁ ୯ଦିନ ଧରି ଗଣଦୁଷ୍କର୍ମ କରିବା ପରେ ୮ଜୁଲାଇରେ ବଲ୍ଲଭଗଡ଼ ବସ୍ ଷ୍ଟାଣ୍ଡରେ ଛାଡ଼ି ଦେଇଥିଲେ , ଯେଉଁଠାରୁ ସେ ନିଜର ପରିବାର ସଦସ୍ୟକୁ ଡାକିଥିଲେ । ଏହାପରେ ସେ ଥାନାକୁ ଯାଇଥିଲେ ।
