ବଡ଼ବିଲ, (ବାଘୁଆବାର୍ତ୍ତା): ଏକ ସ୍କୋରପିଓ ଗାଡ଼ିରେ ଜଣେ ନାବାଳକ ସମେତ ତିନି ଜଣ ମିଶି ଜଣେ ବିଧବା ପରିବା ଦୋକାନୀଙ୍କୁ ଜୋର ଜବରଦସ୍ତି ଉଠେଇ ନେଲେ । ଏହାପରେ ତାଙ୍କୁ ଗଣଦୁଷ୍କର୍ମ କଲେ । ଯାହାକୁ ନେଇ ଉକ୍ତ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ସୋମବାରରେ ବଡ଼ବିଲ ପୋଲିସ ଉକ୍ତ ୩ ଅଭିଯୁକ୍ତ ଙ୍କୁ ଗିରଫ କରିଥିବା ଜଣାଯାଇଛି। ଗୁରୁବାର ପୀଡିତା ଜଣକ, ସୁନ୍ଦରଗଡ଼ ଜିଲ୍ଲା, କୋଇଡା ହାଟରୁ ପରିବା ବିକ୍ରିକରି ବଡ଼ବିଲ ଫେରିବା ସମୟରେ, ବଡ଼ବିଲ ଗୁରୁଦ୍ୱାରା ଛକ ରୁ ଏକ ସ୍କୋରପିଓ ଗାଡ଼ିରେ ଉକ୍ତ ମହିଳାଙ୍କୁ ଅପହରଣ କରି ନିଆଯାଇଥିଲା। ଗୁରୁବାର ଓ ଶୁକ୍ରବାର ଦୁଇଦିନ ଧରି ଉକ୍ତ କାଜୁ ଜଙ୍ଗଲରେ ପୀଡ଼ିତାଙ୍କୁ ଉକ୍ତ ୩ ଦୁଷ୍କର୍ମକାରି ଏକାଧିକବାର ଦୁଷ୍କର୍ମକରିଥିଲେ। କୌଶଳ କ୍ରମେ ପୀଡିତା ଜଣକ ଶୁକ୍ରବାର ବିଳମ୍ବିତ ରାତିରେ ସେଠାରୁ ଖସି ଚାଲିଆସିଥିଲା ଏବଂ ଶନିବାର ଦିନ ଥାନାକୁ ଯାଇ ଅଭିଯୋଗ କରିବାସହ ଗତ ଦୁଇଦିନ ଧରି କାଜୁ ଜଙ୍ଗଲରେ ହୋଇଥିବା ଘଟଣା ସମ୍ପର୍କରେ ଥାନା ଅଧିକାରୀଙ୍କୁ ଅବଗତ କରାଇଥିଲେ।ବଡ଼ବିଲ ପୋଲିସ ପୀଡିତା ର ଡାକ୍ତରୀ ମଇନା କରାଇ ତାକୁ ଘରେ ଛାଡ଼ି ଦେଇଥିଲେ। ହେଲେ ପରବର୍ତୀ ସମୟରେ ପୀଡିତା ର ଜୀବନ ପ୍ରତି ବିପଦ ଥିବା ଆଶଙ୍କା କରି ପୋଲିସ ଜଣେ ମହିଳା ପୋଲିସଙ୍କ ତତ୍ୱବାଧାନରେ ଶନିବାର ରାତି ଥାନା ପରିସରରେ ଏକ ଘରେ ସୁରକ୍ଷିତ ଭାବେ ରଖିଥିବା ପୀଡିତା ଜଣକ ପ୍ରକାଶ କରିଥିଲେ। ଅଭିଯୋଗ କୁ ଭିତ୍ତି କରି ଆଜି ପୋଲିସ ଉକ୍ତ ନାବାଳକ ସହ ଅନ୍ୟ ଦୁଇଜଣ ଅଭିଯୁକ୍ତ ଅକ୍ଷୟ ଓଝା ଓ ରିସୀ ତରୁଆକୁ ଗିରଫକରିଛି। ଦୁଷ୍କର୍ମ କରିବାପରେ ପୀଡ଼ିତକୁ ଧମକ ଚମକ ଦେବସହ, ଏନେଇ ପୋଲିସ କିମ୍ବା ଅନ୍ୟ କାହାନିକଟରେ ପ୍ରକାଶ କଲେ ତାକୁ ଜୀବନରେ ମାରିଦେବାକୁ ଧମକ ଦେଇଥିଲେ। ଦୁଷ୍କର୍ମପରେ ପୀଡିତା ନିକଟରୁ ୧୩ ହଜାର ଟଙ୍କା ମଧ୍ୟ ଲୁଟି ନେଇଥିବା ପୀଡିତା ଅଭିଯୋଗ ଫର୍ଦ୍ଦ ରେ ଦର୍ଶାଇଛନ୍ତି। ତେବେ ଆଜି ଗିରଫ ୩ ଦୁଷ୍କର୍ମକାରୀଙ୍କ ଡାକ୍ତରୀ ପରୀକ୍ଷା ପରେ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ସୂଚନା ଦେଇଛନ୍ତି।
ସ୍କୋରପିଓ ଗାଡିରେ ଉଠାଇ ନେଲେ ବିଧବାଙ୍କୁ, ତିନି ଜଣ କଲେ ଗଣ ଦୁଷ୍କର୍ମ
