ମୁଁ ଆଉ ବଞ୍ଚିବାକୁ ଚାହୁଁନାହିଁ, ମୋତେ ଦୁଷ୍କର୍ମ କରାଯାଇଛି, ଅଧ୍ୟାପକଙ୍କ ଘରେ ଆତ୍ମହତ୍ୟା କଲେ ଛାତ୍ରୀ

ଗୌହାଟୀ (ବାଘୁଆବାର୍ତ୍ତା): କଲେଜ ଅଧ୍ୟାପକଙ୍କ ଘରେ ୧୪ ବର୍ଷର ନାବାଳିକା ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ତାଙ୍କ ସହ ଯୌନ ଉତ୍ପୀଡନ ହେବା ନେଇ ଜଣେ ବନ୍ଧୁଙ୍କୁ ମେସେଜ ପଠାଇବା ପରେ ନାବାଳିକା ଜଣଙ୍କ ଆତ୍ମହତ୍ୟା କରିଛନ୍ତି । ଆସାମ ଚିରାଙ୍ଗ ଜିଲ୍ଲାର ଏକ କଲେଜର ଜଣେ ଶିକ୍ଷକଙ୍କ ଘରେ ଏଭଳି ଘଟଣା ଘଟିଛି । ବେଙ୍ଗଟୋଲର ଏକ କଲେଜର ସହକାରୀ ପ୍ରଫେସର, ଯାହାଙ୍କ ଘରେ ନାବାଳିକା ପ୍ରାୟ ବର୍ଷେ ହେବ ତାଙ୍କ ଘରେ ରହି ପାଠ ପଢୁଥିଲେ । ଦୁଷ୍କର୍ମ ଓ ଆତ୍ମହତ୍ୟା ପାଇଁ ସଉକାଇବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ପୋଲିସ କହିଛି ଯେ, ସୋମବାର ଦିନ ନାବାଳିକା ଜଣଙ୍କ ଫାଶୀ ଲଗାଇଦେଇଥିଲେ କିନ୍ତୁ ଘଟଣା ସଂପର୍କରେ ପୋଲିସକୁ କୌଣସି ସୂଚନା ଦିଆଯାଇନଥିଲା । ଅଧ୍ୟାପକ ଏବଂ ତାଙ୍କ ପରିବାର ସଦସ୍ୟ ତାଙ୍କ ଶବଦାହ କରିବାକୁ ଚେଷ୍ଟା କରୁଥିବା ବେଳେ ପୋଲିସ ସୂଚନା ପାଇଁ ଘଟଣାସ୍ଥଳରେ ପହଞ୍ଚି ସେମାନଙ୍କୁ ଅଟକାଇଛି । ମୃତଦେହକୁ ପୋଷ୍ଟମର୍ଟମ ପାଇଁ ପଠାଇ ଦିଆଯାଇଛି । ପୋଲିସ କହିଚି ଯେ, ଯାଞ୍ଚ ବେଳେ ଜଣାପଡିଛି ଯେ ନାବାଳିକା ଜଣଙ୍କ ସୋସିଆଲ ନେଟୱାର୍କିଂ ପ୍ଲାଟଫର୍ମ ମାଧ୍ୟମରେ ତାଙ୍କର ଜଣେ ବନ୍ଧୁଙ୍କୁ ମେସେଜ ପଠାଇଥିଲେ ଯେ ତାଙ୍କୁ ଦୁଷ୍କର୍ମ କରାଯାଇଛି । ସେଥିପାଇଁ ସେ ଆଉ ବଞ୍ଚିବାକୁ ଚାହୁଁନାହାନ୍ତି । ପ୍ରମାଣ ଲୁଚାଇବା ଏବଂ ପକ୍ସୋ ଆକ୍ଟ ଆଧାରରେ ଅଭିଯୁକ୍ତ କୋର୍ଟରେ ହାଜର କରାଯାଇଥିଲା । ସ୍ଥାନୀୟ କୋର୍ଟ ତାଙ୍କୁ ତିନି ଦିନିଆ ପୋଲିସ ହେପାଜତକୁ ପଠାଇଛନ୍ତି ।