ଶ୍ରୀରାମକୃଷ୍ଣ ଆଦର୍ଶ ଶିକ୍ଷାକେନ୍ଦ୍ରରେ ୭୪ ତମ ସ୍ବାଧୀନତା ଦିବସ

ନୟାଗଡ଼, (ବାଘୁଆବାର୍ତ୍ତା): ନୟାଗଡ ସାମନ୍ତମାର୍ଗ ସ୍ଥିତ ଶ୍ରୀରାମକୃଷ୍ଣ ଆଦର୍ଶ ଶିକ୍ଷାକେନ୍ଦ୍ର ନୟାଗଡ ପ୍ରାଙ୍ଗଣରେ ୭୪ତମ ସ୍ବାଧୀନତା ଦିବସ ବିଦ୍ଯାଳୟର ସଂପାଦକ ଶ୍ରୀଧର ସାହୁଙ୍କ ସଂଯୋଜନାରେ ପାଳିତ ହୋଇଯାଇଛି। ସାମାଜିକ ଦୂରତାକୁ ରକ୍ଷା କରି ଏହି ଉତ୍ସବ ପାଳନ ହୋଇଥିବା ବେଳେ ମୁଖ୍ଯ ଅତିଥି ଭାବେ ଶିକ୍ଷାବିତ୍ ହରିହର ପାତ୍ର ଯୋଗଦେଇ ପତାକା ଉତ୍ତୋଳନ କରିବା ସହିତ ଅଭିବାଦନ ପ୍ରଦାନ କରିଥିଲେ। ଦେଶ ସ୍ବାଧୀନତା ପ୍ରାପ୍ତ ହେଲାବେଳେ ଆମକୁ ଆମ ସ୍କୁଲର ଶିକ୍ଷକ ମାନେ ଗାନ୍ଧୀ ବୁଢ଼ା ପାଇଁ ଦେଶ ସ୍ବାଧୀନତା ପାଇଲାବୋଲି କହୁଥିଲେ।ଆଜି କରୋନା ମହାମାରୀ ସଂକଟ ସମୟରେ ଦେଶଜାତି ପାଇଁ ଶିକ୍ଷକ ଶିକ୍ଷୟିତ୍ରୀଙ୍କ ଭୂମିକା ଗୁରୁତ୍ବପୂର୍ଣ୍ଣ ବୋଲି ମଧ୍ଯ କହିଥିଲେ। ଏହି କାର୍ଯ୍ୟକ୍ରମରେ ୧୦ ଜଣ ଗୁରୁଜୀ ଗୁରୁମା ଉପସ୍ଥିତ ଥିଲେ।