ଭୁବନେଶ୍ୱର, (ବାଘୁଆବାର୍ତ୍ତା): ରାଜ୍ୟ ଗୋଷ୍ଠୀ କ୍ରିଡ଼ାରେ ଚମକ ହରାଇବାରେ ଲାଗିଛି ଭାରତ । କାହିଁକି ଓ କଣ ପାଇଁ ଭାରତ ଲଗାତର ଭାବେ ରାଜ୍ୟ ଗୋଷ୍ଠୀ କ୍ରୀଡ଼ାରେ ଚମକ୍ ହରାଉଛି ତାହା ବଡ଼ ପ୍ରଶ୍ନବାଚୀ ସୃଷ୍ଟି କରିଛି । ରାଜ୍ୟ ଗୋଷ୍ଠୀ କ୍ରୀଡ଼ା ଦୀର୍ଘ ୨୦ବର୍ଷ ଦେଖିବାକୁ ଗଲେ ଭାରତ ୨୦୦୨ ମସିହାରେ ସ୍ୱର୍ଣ୍ଣ ୩୦ଟି, ରୌପ୍ୟ ୨୨ଟି ଓ କାଂସ୍ୟ ୧୭ଟି ହାସଲ କରିବାରେ ମୋଟ୍ ୬୯ଟି ପଦକ ହାସଲ କରିବାରେ ସକ୍ଷମ ହୋଇଥିବା ବେଳେ ୨୦୦୬ ମସିହାରେ ଭାରତ ସ୍ୱର୍ଣ୍ଣ ୨୨ଟି, ରୌପ୍ୟ ୧୭ଟି, କାଂସ୍ୟ ୧୧ଟି ମୋଟ ୫୦ଟି ପଦକ ହାସଲ କରିଥିଲା ଭାରତ । ସେହିପିର ଭାବେ ୨୦୧୦ ଭାରତ ଟିକେ ଉନ୍ନତ ଧରଣ ଖେଳ ପ୍ରଦର୍ଶନ କରିଥିଲା ଯାହାଫଳରେ ଟୋଟାଲ ୧୦୧ଟି ପଦକ ହାସଲ କରିବାରେ ସକ୍ଷମ ହୋଇଥିଲା । ଯେଉଁଥିରେ କି ସ୍ୱର୍ଣ୍ଣ ୩୮ଟି ରୌପ୍ୟ ୨୭ଟି ଓ କାଂସ୍ୟ ୩୬ଟି ପଦକ ସାମିଲ ହୋଇଥିଲା । କିନ୍ତୁ ୨୦୧୪ ମସିହାରେ ଏନଡିଏ ସରକାର ଆସିବା ପରେ ଭାରତ ସ୍ୱର୍ଣ୍ଣ ୧୫ଟି, ରୌପ୍ୟ ୩୦ଟି, କାଂସ୍ୟ ୧୯ଟି ମୋଟ ୬୪ଟି ପଦକ ହାସଲ କରିଥିଲେ । ୨୦୧୮ ମସିହା କଥା ଦେଖିବା ତେବେ ଭାରତ ସ୍ୱର୍ଣ୍ଣ ୨୬ଟି, ରୌପ୍ୟ ୨୦ଟି ଓ କାଂସ୍ୟ ୨୦ଟି ମୋଟ ୬୬ଟି ପଦକ ହାସଲ କରିଥିବା ବେଳେ ଚଳିତ ବର୍ଷ ଅର୍ଥାତ୍ ୨୦୨୨ରେ ଚାଲିଥିବା ରାଜ୍ୟ ଗୋଷ୍ଠୀ କ୍ରୀଡ଼ାରେ ଭାରତ ବର୍ତ୍ତମାନ ସୁଦ୍ଧା ସ୍ୱର୍ଣ୍ଣ ୨୨ଟି, ରୌପ୍ୟ ୧୬ଟି ଓ କାଂସ୍ୟ ୨୩ଟି ପଦକ ହାସଲ କରି ମୋଟ ୬୧ଟି ପଦକ ହାସଲ କରି ଖେଳ ପକ୍ରିୟା ଜାରି ରଖିଛି । ୨୦୧୦ ମସିହାରେ ଭାରତ ଦଳର ଯେଉଁ ଭଳି ଭାବେ ଖେଳ ପ୍ରଦର୍ଶନ କରି ସଫଳତା ହାସଲ କରିଥିଲା ତାହା ୨୦୨୨ରେ ଦେଖିବାକୁ ମିଳିନାହିଁ । ଯାହା କ୍ରୀଡ଼ା ପ୍ରେମୀମାନଙ୍କ ହତୋତ୍ସାହିତ କରିଛି ।
