କ୍ୱାରେଣ୍ଟାଇନ୍ରେ ରହିଲେ ୪ ମାଲ ଭାଇ
ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାକୁ ଆଜି ଜଣେ ରାଜ୍ୟ ବାହାରେ ରହୁଥିବା ଶ୍ରମିକଙ୍କ ଶବ ଆସୁଥିବା ନେଇ ଜିଲ୍ଲାପାଳ ସୂଚନା ପାଇବା ପରେ ଏନେଇ କଡ଼ା ନିର୍ଦ୍ଦେଶ ଦେଇଛନ୍ତି । ଜିଲ୍ଲାପାଳଙ୍କ ନିର୍ଦ୍ଦେଶରେ ବ୍ୟାପକ କଟକଣା ମଧ୍ୟରେ ଫେରନ୍ତା ଶ୍ରମିକଙ୍କ ଶବ ସତ୍କାର କରାଯିବା ସହ ୪ ଜଣ ମାଲ ଭାଇଙ୍କୁ କ୍ୱାରେଣ୍ଟାଇନ୍ରେ ରଖାଯାଇଛି । ସୂଚନାନୁସାରେ, ରଣପୁର ବ୍ଲକ ଅନ୍ତର୍ଗତ ଗଡ଼ବାଣିକିଲୋ ଗ୍ରାମର ଗୋପିନାଥ ପ୍ରଧାନଙ୍କ ପୁତ୍ର ଭାସ୍କର ଚନ୍ଦ୍ର ବଳିୟାରସିଂ ଉତ୍ତରପ୍ରଦେଶର ଏକ କମ୍ପାନୀରେ କାମ କରୁଥିଲେ । କିଛି ଦିନ ହେବ ସେ ରୋଗରେ ଆକ୍ରାନ୍ତ ହୋଇ ଉତ୍ତରପ୍ରଦେଶର କାନପୁର ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ଗୁରୁବାର ମଧ୍ୟାହ୍ନରେ ତାଙ୍କର ମୃତ୍ୟୁ ଘଟିଥିଲା । ଫଳରେ ତାଙ୍କ ଶବ ନେଇ ଉତ୍ତର ପ୍ରଦେଶର ସାତ ଅଠ ଜଣ ଲୋକ ଗଡ଼ବାଣିକିଲୋ ଆସୁଥିବା ନେଇ ପ୍ରଶାସନ ଖବର ପାଇଥିଲା । ଫଳରେ ଶବ ସତ୍କାର ବେଳେ ଗହଳୀକୁ ଦୃଷ୍ଟି ଦେଇ ଜିଲ୍ଲାପାଳ ଡ. ପୋମା ଟୁଡୁଙ୍କ ନିର୍ଦ୍ଦେଶରେ ଗ୍ରାମରେ ବ୍ୟାପକ ପୁଲିସ ମୁତୟନ କରାଯାଇଥିବା ବେଳେ ଆଜି ମାଜିଷ୍ଟେଡଙ୍କ ଉପସ୍ଥିତିରେ ଶବ ସତ୍କାର କରାଯାଇଛି । ଗ୍ରାମର କେବଳ ୪ ଜଣ ବ୍ୟକ୍ତି ଶବ ସତ୍କାର ପାଇଁ ଯାଇଥିବା ବେଳେ ସେମାନଙ୍କ ୧୪ ଦିନ ପାଇଁ କ୍ୱାରାଣ୍ଟାଇନରେ ରଖାଯାଇଛି ।
