ବାତ୍ୟା ଗୁଲାବ ପ୍ରଭାବରେ ମାଲକାନଗିରି ଜିଲାରେ ଜାତୀୟ ରାଜପଥ ଉପରେ ୩ ଫୁଟର ବନ୍ୟା ଜଳ

କାଲିମେଳା, (ବାଘୁଆବାର୍ତ୍ତା): ବାତ୍ୟା ଗୁଲାବ ପ୍ରଭାବରେ ମାଲକାନଗିରି ଜିଲାରେ କାଲିଠୁ ବର୍ଷା ଲାଗି ରହିଛି। ଲଗାଣ ବର୍ଷା ହେବାରୁ କେତେକ ସ୍ଥାନରେ ପୋଲ ଉପରେ ବର୍ଷା ଜଳ ପ୍ରଭାବିତ ହେଉଛି। ମାଲକାନଗିରିର ଜିଲ୍ଲାର କାଲିମେଳାର ବ୍ଲକ ଅନ୍ତର୍ଗତ ଭୁବନପାଲୀ ଗ୍ରାମ ପଞ୍ଚାୟତ ଅନ୍ତର୍ଗତ ଏମ ଭି ୯୬ ଗ୍ରାମ ନିକଟସ୍ଥ ୩୨୬ ନମ୍ବର ବିଜୟୱାଡା ରାଞ୍ଚି ଜାତୀୟ ରାଜପଥ ରେ ଥିବା ଉପରେ ପାଖାପାଖୀ ଦୁଇ ରୁ ତିନିଫୁଟ ବର୍ଷାଜଳ ପ୍ରବାହିତ ହେଉଅଛି। ଯାହାଫଳରେ ପୋଲର ଉଭୟ ପାର୍ଶ୍ବ ରେ ଅନେକ ଯାନବାହାନ ଅଟକି ରହିଛି। ଯାତ୍ରୀମାନେ ନିଜ ଗନ୍ତବ୍ୟସ୍ଥଳକୁ ଯିବା ପାଇଁ ରାସ୍ତାର ଉଭୟ ପାଶ୍ବରେ ଅଟକି ରହିଛନ୍ତି। କେତେବେଳେ ପୋଲ ଉପରେ ବର୍ଷାଜଳ ଲହରୀ କମିବ ଲୋକ ମାନେ ନିଜ ନିଜ ଗନ୍ତବ୍ୟ ସ୍ଥଳକୁ ଯିବେ ସେହି ଅପେକ୍ଷାରେ ରହିଛନ୍ତି।